Lady M (Closed)

今日本身想試新出嘅方塊蛋糕，但嚟到lady M點可以唔食千層蛋糕，而我個人認為伯爵茶千層係lady m咁多 個系列中嘅經典。一如既往，餅皮煎得非常薄，食落係完全感覺唔到餅皮，非常creamy，每一啖都比淡淡嘅伯爵茶味包圍。食完蛋糕有啲飽，最後都係無叫新出蛋糕，反而叫咗杯法國玫瑰奶茶。第一啖飲落充滿玫瑰味，玫瑰嘅清新同奶茶嘅甜味幾夾。但飲咗幾啖後，就開始無咩味，反而似飲奶多啲。Lady M一向都受女士歡迎就唔需要講，不過今日tea time去到見到有好多買咗大包細包嘅遊客，成間餐廳都好嘈，咁就好似同品牌想做到個種優雅嘅感覺有啲遠了。