Video
Read full review
2019-07-07
27 views
和女朋友來到大廈，想食日本嘢。平時食日本嘢，中上級數既都係$400有找。今次我哋食咗$810，本應有超出期望的味覺享受，點知⋯⋯⋯我哋嗌咗個二人次既海鮮燒，嗰道$6xx。我哋驚唔夠飽嗌咗一碗飯，$20。佢講到話啲海鮮係由日本新鮮運到，加埋我望到價錢，期望真係好高。然後嚟到既係：一隻大蝦、兩隻南非鮑、兩隻帶子、兩隻生蠔、幾條纖瘦既蟹腳⋯⋯ok! 少唔緊要，最緊要好味，新鮮。侍應好好，一台有一位，專幫我哋燒同埋開啲海產，睇手勢亦睇得出有train過，亦有不斷講解點樣食，不過可以再大聲少少，唔好咁怕酸。好喇，等咗十幾二十分鐘，真係開始食，我背負住呢個月都唔出街食既包袱，充滿期待咁咬落去！然後發現⋯⋯味道呢？我的味覺去了哪裏？佢真係可以做到：蝦，冇蝦味；鮑，冇鮑味；蟹，冇蟹味。唯一令我仲肯定自己有味蕾的就係個燒生蠔。不過，去台灣夜市既任何一檔燒生蠔都好食過佢。好喇，到最後，終於都挨到食帶子。唉，咬咗一啖，其實唔係好想食落去，但係諗起要俾$810埋單，每一啖帶子，帶子殼上的每一滴汁都係錢。我同女朋友都閉上眼睛喝清光。然後，我哋閉上有腥臭味既口去埋單。（我哋食開海鮮，分到咩係腥臭味，咩係鮮甜味）總
我哋嗌咗個二人次既海鮮燒，嗰道$6xx。我哋驚唔夠飽嗌咗一碗飯，$20。佢講到話啲海鮮係由日本新鮮運到，加埋我望到價錢，期望真係好高。然後嚟到既係：一隻大蝦、兩隻南非鮑、兩隻帶子、兩隻生蠔、幾條纖瘦既蟹腳⋯⋯
ok! 少唔緊要，最緊要好味，新鮮。侍應好好，一台有一位，專幫我哋燒同埋開啲海產，睇手勢亦睇得出有train過，亦有不斷講解點樣食，不過可以再大聲少少，唔好咁怕酸。
好喇，等咗十幾二十分鐘，真係開始食，我背負住呢個月都唔出街食既包袱，充滿期待咁咬落去！然後發現⋯⋯味道呢？我的味覺去了哪裏？
佢真係可以做到：蝦，冇蝦味；鮑，冇鮑味；蟹，冇蟹味。唯一令我仲肯定自己有味蕾的就係個燒生蠔。不過，去台灣夜市既任何一檔燒生蠔都好食過佢。
好喇，到最後，終於都挨到食帶子。唉，咬咗一啖，其實唔係好想食落去，但係諗起要俾$810埋單，每一啖帶子，帶子殼上的每一滴汁都係錢。我同女朋友都閉上眼睛喝清光。然後，我哋閉上有腥臭味既口去埋單。（我哋食開海鮮，分到咩係腥臭味，咩係鮮甜味）
總括嚟講，員工、老闆係有禮貌的，會同客人傾下偈。但請唔好用啲垃圾貨嚟呃我哋，味覺唔會講大話。做飲食，最重要始終係食物本身。
最後，踏出這棟大廈的那刻，我決定唔會再幫襯佢，為咗填飽我倆的肚及洗去口中既腥臭味，我哋去咗幫襯樓下的小食鋪，買咗$15格仔餅，人生就很滿足。
Post