Video
Read full review
2010-05-26
91 views
父親大人在5月份生日, 作為子女的我們, 當然要做一個表示啦. 父親愛食, 要求雖然不算高, 但既然是一個生日夜宴, 點都想suprise一下老爸. 經過我們三姊弟商量後, 今年就由我揸fit, 選下荃灣的 V Cuisine, 彩晶軒.我們8人一齊入來, 成個餐廳已經令人覺得富麗堂皇, 美麗的吊登, 給人一種高尚的感覺.由於得8個人, 所以沒有特別訂下套餐或點食套餐. 我同哥決定看menu點菜, 散叫散點8個人的菜式. 我們散點了9個菜色, 就在此一一的介紹一下:第一個, 名為貝勒爺千歲煎藕餅, 名字正好配合是次給父親的小壽宴. 藕餅竟然蓮藕豐富, 充滿蓮藕, 肉餅中, 不是求其幾粒分散地配襯, 而是均勻的分佈在肉餅中既每一個角落. 上面再鋪多一塊又薄又脆的蓮藕片. 而且令人覺得此物雖是肉餅, 但絕非只是啖啖肉之物, 製作得非常好.之後叫了一個排骨, 福州欖角醬燒排骨, 用上欖角/欖菜, 味道自然香濃. 加上用上醬汁去燒, (不過我覺得係炒), 豉味欖味混雜, 味道match得黎又非常獨特, 而且粒粒肉排, 骨不多. 味道濃, 真想叫碗白飯送一送, 不過大家知道叫了炒飯, 所以撈飯呢
我們8人一齊入來, 成個餐廳已經令人覺得富麗堂皇, 美麗的吊登, 給人一種高尚的感覺.由於得8個人, 所以沒有特別訂下套餐或點食套餐. 我同哥決定看menu點菜, 散叫散點8個人的菜式.
我們散點了9個菜色, 就在此一一的介紹一下:
第一個, 名為貝勒爺千歲煎藕餅, 名字正好配合是次給父親的小壽宴. 藕餅竟然蓮藕豐富, 充滿蓮藕, 肉餅中, 不是求其幾粒分散地配襯, 而是均勻的分佈在肉餅中既每一個角落. 上面再鋪多一塊又薄又脆的蓮藕片. 而且令人覺得此物雖是肉餅, 但絕非只是啖啖肉之物, 製作得非常好.
之後叫了一個排骨, 福州欖角醬燒排骨, 用上欖角/欖菜, 味道自然香濃. 加上用上醬汁去燒, (不過我覺得係炒), 豉味欖味混雜, 味道match得黎又非常獨特, 而且粒粒肉排, 骨不多. 味道濃, 真想叫碗白飯送一送, 不過大家知道叫了炒飯, 所以撈飯呢一個環節, 大家放棄了.
為太太, 叫了工個素菜, 第一道素食是縐砂竹笙浸什菌, 味道極清淡, 用上娃娃菜, 多種鮮菌. 湯汁, 就大概是以上的精華. 一個淡白色的什菌湯底, 配上竹笙娃娃菜, 淡口味鮮美.
桂花炒魚翅間唔中有食下, 不過是日我地食唔起魚翅, 變了一個桂花炒瑤柱 (其實menu上沒有桂花炒魚翅) 桂花, 其實是炒蛋碎, 有時侯看似簡單的材料, 炒埋一堆就成, 為何還要在出外食飯時叫呢. 對桂花炒瑤柱看落非常簡單, 但家庭式的爐灶, 是沒有咁勁既猛火來煮出一些要鑊氣十足才有版有眼既菜式. 蛋要炒到桂花般, 一定要個鑊夠熱, 家庭既爐, 是很難達到這一個熱度的. 夾著瑤柱絲, 芽菜, 爽爽的, 味道清清的, 眾人又開始想起飯來. 呢味餸, 大家決定慢食, 一於等炒飯到, 才一併消化它.
菠菜一碟, 清炒不加蔥蒜for齋妹口味. 這是炒菜, 而且應該是加鹽水炒, 不然不會咁腍同有味道. 這樣炒菠菜, 真的少這樣食法, 原來味道很是不錯的, 而且菜, 盡可能是食佢既原汁同原味, 這才感受到菜既真味.
豬肉既肉餅食得多, 不過呢個肉餅, 並非豬肉, 而是牛肉 (Mince beef) 似是fusion但做出來一點也不覺中西合壁. 這個肉餅, 有個好美麗的名字作為襯托, 叫做一九六四果皮牛肉餅, 但一九六四是什麼意思呢, 是否陳皮的生產年份? 不考究這些題外話了, 直接講味道. 牛肉的肉餅, 散發出來的香味截然不同, 加上所謂的陳年陳皮, 味道份外的香濃. 帶著免治牛的肉香, 中式肉餅的做法, 再加上陳年的果皮香味, 誰說fusion菜怪里怪氣, 不會好食呢, 下次, 再加隻咸蛋黃, 或咸魚, 味道上又會有什麼驚喜呢?
出黎食飯, 若人多, 基本上每一餐都有雞, 今次的雞, 叫做木盤野松茸琉璃雞. 隻雞點琉璃, 看一看雞皮, 沒有晶瑩剔透的觀感, 木盤??應該是蒸籠吧. 雞味, 主要是靠野松茸打出來的茨汁去吊一吊味, 而雞本身, 沒有任何雞味, 感覺上似是食雪雞咁. 賣相是好, 不過味道上就差了少許, 若是用上靚雞, 味道一定更鮮. 這一切, 是酒樓的買手的錯.
說了叫三個餸俾太太食, 來了一個度小月梅菜皇蒸豆腐. 英文好像是什麼Taiwanese "Meat". 問了好幾位侍應同部長, 原來所謂的台灣"肉", 是素肉臊. 解釋了, 我們才安心的叫下. 上菜時, 始終不太放心. 我先試一口, 的確, 有點像肉, 太太竟然不理也放入口中一試, 始終她的味覺對肉同假肉既少許分別分得出, 若是普羅大眾去食, 未必分得清是素是葷. 尤其是台灣製造的"Fake meat" 仿真度, 實在太強了. 味道上, 既然是梅菜, 鹹就是一定的了, 下面的豆腐, 是凍食的, 輕輕的蒸一蒸令餸菜熱熱地, 梅菜既精華滲出做汁, 豆腐極之嫩滑, 重重味道濃烈的梅菜, 配上嫩滑的滑豆腐. 愛濃的人(我爸)喜歡, 愛淡的人(我媽)也喜歡. 不錯的一個小小菜.
飯, 除齋妹外, 沒有人叫下白飯, 因為我們點了這個招牌櫻花蝦炒飯. 火腿粒, 牛肉粒, 蝦仔, 菜粒. 媽剛說起, 揚州炒飯被大陸人搶注了, 現在要賣揚州炒飯一定要向某公司買版權, 所以大家留意一下, (不計茶餐廳), 好多地方都沒有了揚州炒飯. 而要製作一個揚州炒飯, 好似呢個咁, 改一改名, 用料稍有加減, 就是啦. 炒飯炒得夠鬆散, 夠乾. 明顯地能食出一粒粒的飯. 炒功很是不錯. 而炒飯味道, 也的確有返咁上下水準.
賀壽嘛, 最後偷偷的叫經理整籠壽包出來. 上完水果, 一籠8隻的大壽包, 做是晚的飯後甜品. 熱辣辣的包, 當然是最好食的, 壽包脹卜卜的, 內裡白蓮蓉極香口. 圓圓的大壽包有別於其他扁平的. 味香餡靚, 食友說過這兒的點心不錯, 淨看壽包, 已感覺功架.
沒有唱生日歌, 我們三姊弟及兩個新抱齊心的一句生日快樂, 換來父親的一個會心微笑. 爸開心, 我們也開心. 而這個生日飯, 也為叔父回英國餞行及預祝父親節的來臨. 而且亦是我為下一個為食入新界的飯局試菜..
大家等我於 "面書" announce 吧.
Post
