銓滿記餐廳小廚 (Closed)

又一個冷鋒，是時候吃個溫暖牌煲仔飯。九龍區稍有名氣的除了油麻地的四季之外，旺角這間銓滿記都算是響噹噹的名字，同家人特意五點就到它的門前，1）唔洗等，2）餓到頂唔順，所以一早就坐低等開飯。一坐底見到唔少餐牌，見到它有個招牌銓哥豬扒包同撈麵，好似好正，但今日我的目的好明確，就是煲！仔！飯！屋企人好傳統，都是比較喜愛臘味類別，所以他選了臘肉田雞飯。我今日來之前，當然有做基本調查，知道它比較著名是海鮮類煲仔飯，結果我選了最愛的豉汁大鱔煲仔飯。先來我的，鱔都幾肥，豉油另上可以控制味道，撈一撈都好易整到飯焦，先食一塊鱔，唔錯，有魚油香，幾鮮味。但食一口飯，就出！事！飯好削，好似食米糠咁，一點也不煙韌，仲要一點味道也沒有，魚油沒滲入飯中，飯又沒有炭烤香味，簡單說，碎米一大煲。再到家人的飯，臘肉好少雖然味道唔錯，蒸得夠透，田雞反而有點老，可能怕蒸唔熟，但是飯仍然是一樣差勁👎。有一樣野幾勞氣，其實隨餐是跟時菜及例湯，一來俾左一碟，問佢另一碟幾時到，佢話呢碟係二人份量真心傻的嗎⋯⋯雖然可能見我地氣色唔對，都即刻俾另一碟我們，但今時今日咁既服務態度，真心唔太得，咁樣服務同質素，四季好過你一百倍。