天吉屋 (Closed)

終於等到日本人氣天婦羅丼飯店天吉屋有香港分店。店舖位於朗豪坊，裝修以木系簡約風為主，同時設有卡位，坐得舒服。未食主食餐廳已經奉上任食的椰菜沙律菜和柚子胡椒沙律汁比你食到夠，味道酸酸辣辣，勁開胃。天幕御膳 $148有豐富的吉列炸物 : 黑虎蝦、海紅調配紫蘇葉、軟殼蟹、雜錦炸物（洋蔥和魷魚）、茄子、南瓜、炸紫菜、四季豆。仲有白飯任，加上三種食法，可以話勁抵食。天吉屋的招牌是天婦羅蝦，炸粉在黃金比例之下，份外鬆脆，黑虎蝦彈牙，將蘿蔔泥和薑末放進天婦羅沾醬，再將天婦羅炸蝦蘸上醬汁，開胃減膩。另一食法是天丼食法，先將部份天婦羅放於米飯上，再均勻淋上秘製天丼醬汁品嘗。最後還可以將雜錦炸物鋪放在米飯上淋鏗魚湯，然後添加芥末和紫菜作為點綴成為泡飯再品嚐，清甜可口。軟殼蟹丼 $158除了天幕御膳，天吉屋亦有香港限定的軟殼蟹丼，軟殼蟹迷萬勿錯過。大量炸軟殼蟹，脆而不膩。又有雜錦炸物(皇帝菜和櫻花蝦)，南瓜、茄子，還有溫泉蛋，食物款式多。丼飯在蛋汁和醬汁加持下，味道豐富。如果你喜歡吉列炸物，天吉屋是個好選擇。