磨坊咖啡室 (Closed)

星期日預祝老豆生日食飯，佢至鐘意食buffet同海鮮，咁o岩呢間做緊海鮮自助餐，真係o岩晒佢。選擇好小(尤其係甜品呀!)，好彩有8折coupon，如果冇discount就好唔扺食。雖然選擇小，但食物質素尚可，尤其是熱盤。咖哩魚頭唔夠辣，不過好有咖哩香，魚頭又入味；即整串燒鰻魚，燒得唔夠火喉，醒在d鰻魚肥美；椒鹽脆鱔係老豆推介；冷盤方面，刺身只得三文魚同吞拿魚兩款，算新鮮d肉質都幾爽唔會霉；壽司不食也吧，一望就知，似百佳貨色；生蠔、青口同凍蝦雖然唔大隻，但都ok。甜品得好少好少選擇，只有6款蛋榚，而且整得唔多好食，tiramisu同栗子mousse cake簡直不知所謂，opera同綠茶蛋樣都叫做合格。幸好有雪榚補數，除了有我鐘意的芒果之外，仲有杏仁咖啡味，好少buffet食到，所以我都唔執輸食了三大碗。