沙田茵餐廳 (Closed)

今日放假，想搵個地方食啲特色野，諗左好耐就決定黎呢度。黎之前都無抱好大期望，諗住就係特別好食都唔會難食既。一坐低望住個menu，第一個感覺係：啲野咁貴既。咁一心諗住特色野梗係唔平架啦，照揀自己鍾意試既野啦。我揀左四樣野：炒椰菜、串燒（豬肉牛肉）、咖哩雞、炒河粉。呢個椰香咖喱雞，烤雞肉幾入味，不過椰香太濃，蓋過了咖喱既味道，不過配飯食都唔錯。鍾意食椰香既一定要試呢個。我一見到佢放低碟菜，就覺得好住家feel，一啲裝飾都無，清清一碟擺明行實力路線。試左第一口，味道幾好又夠熱，不過味道偏甜，可能印尼菜是偏甜卦.....我心諗。之後再見到呢碟炒河粉，更加肯定呢間餐廳係想行實力路線。味道同炒椰菜一樣，味道唔錯，不過都係偏甜。同埋我覺得幾唔抵食既係，河粉口感一啲都無乜特別，成碟野只見到炒黑左既雞蛋，之後乜都無。串燒（牛及豬）佢用呢個爐熱住都幾好，可以保住佢熱辣辣，但一放入口，啲牛硬過牛肉乾，又難咬，味道一般，只覺好燶。豬就好少少，無咁硬，但都乾，其實都分唔出牛定豬架。而個沙爹汁就真係麻麻，可能食慣泰國沙爹吧，又係一個字：「偏甜」。最後想講下杯紅豆冰，$40一杯真係令人期待。但點知係一杯勁甜既奶水紅