鳥語 (Closed)

因為之前打算去嗰間餐廳突然取消左我地booking，所以臨急臨忙揾左呢間鳥語。其實當時都無留意呢間有好多牛油果料理，只系覺得以顏色分類，同埋擺盤都幾靚幾特別，所以就選擇左。 當天先打去book dinner，得返榻榻米座，但一心想去都無所謂啦。但去到，地方好細、得幾張台，而且榻榻米真系好逼、坐得好辛苦。 其實榻榻米嗰幾個位都夠位可以轉返普通台凳。 如果唔系無位而選擇榻榻米坐的話，真系為左打卡同扮文青。食到后面真系脚痹！而且榻榻米D台好細，放一碟加兩個碟仔已經full左。 要快快食完一碟，叫人收左先放到第二碟。 如果無凳坐，真系唔好考慮！本身以為呢間會系為左打卡而打卡嘅餐廳，味道應該一般。 但喜出望外，味道唔錯！自家手作粉紅鳥海鮮忌廉意粉：好creamy但唔會太膩，海鮮都ok多，上面嗰pat cream都幾好食，正常日系忌廉意粉， 不過雪糕cone就無食到。聖誕menu嘅牛油果義大利燴飯醸法國燒春雞，超正！牛油果義大利燴飯非常特別，調味好，而且好有牛油果味。 不過雞胸有少少柴。另外重叫左兩杯聖誕飲品，我嗰杯系牛油果胚芽白朱古力配懸浮棉花糖。好特別，有牛油果屑，所以味好重、白朱古力有少少偏