肥老虎

Open Now

Now Closed

好耐冇去過大埔，今晚約咗去朋友屋企食飯，喺附近行吓嘅時候竟然發現到間台式小食店有手抓餅同蛋餅。好似夜啲仲有串燒添。二話不說，梗係嗌返個我至愛嘅蛋餅同手抓餅share啦🥢台式香腸蛋餅呢個係我第一眼就睇中佢，因為蛋餅就食得多，台式香腸嘅蛋餅就真係未食過。佢入面係真係有蒜片同蒜苗，喺YouTube聽人講話食台式香腸一定要夾住片蒜片嚟一齊食，今次終於真係試到啦😆仲要佢真係好足料 啖啖都食到台式香腸😋仲有佢個醬 我估應該係千島醬加芥末 蛋餅點埋個醬嚟食又有另一番感覺😋🥢芝士雞蛋泡菜煙肉手抓餅呢個手抓餅可以話係俾佢驚艷到🥹我覺得好大因素係因為我揀咗泡菜🤣🤣🤣真心推介大家要揀泡菜，因為泡菜好爽又有啲解膩，所以食晒成個手抓餅都完全唔會覺得好滯🤪如果我屋企樓下都有一間台式小食店就好喇🥹🥹