MOS Burger (Closed)

Mos Burger 係我心目中係高級版嘅汉堡快餐店，各樣嘢都好食過麥XX。拍得住Cafe嘅質素！今日又試咗佢嘅素食burger , 金平牛蒡珍珠堡。佢係用飯代替汉堡嘅包。啲飯粒又好實正，唔會散收收。中間嘅餡牛蒡同紅蘿蔔。炒香左牛蒡同紅蘿蔔。啲飯粒吸收左啲菜汁，令到啲飯更加香。呢個配搭真系好夾，又好特別。加21蚊就有細薯條同杯熱飲。熱飲我就揀左齋啡，齋啡不過不失。當然價錢已經反映咗一切。佢嘅粗薯條真係幾唔錯，又唔會炸得太乾又固唔太淋，幾乎必叫之選！