BB開心棧

Open Now

Now Closed

食物已經唔再係重點要講既野，BB開心棧老闆喜哥同黑超老闆娘既態度真係不可不試，我地叫左一凍一熱豆腐花，一碟魚蛋，一碟腸粉走麻醬。老闆娘一句「得」埋嚟：＂咁即係走醬啦。＂我地重申只係要走麻醬，佢話：＂我地一向唔幫客落醬架。＂之後佢走左去，點知隔離枱話豆腐花比錯左，佢地要凍比左個熱，老闆娘二話不說即「隊」比我地，仲話：＂你地要熱架嘛，我費是拎入去再拎番出嚟。＂我對老闆娘既坦白真係好鬼佩服！！之後老闆喜哥拎碗凍豆花出嚟，放低果時話：＂唔係好凍＂之後走左！果然應熱既唔熱，應凍既唔凍！豆腐花係幾滑，不過無味！到腸粉送埋嚟，好似連碟蒸一樣，碟熱到想移一下隻碟都辣手，好彩真係走左麻醬，不過就唔似老闆娘所說唔幫客落醬囉，起碼我見到已經落左甜醬。魚蛋由始至終無嚟過。期間隔離枱無叫腸粉，點知老闆娘「隊」左一碟比佢地，果班單車隊話無叫，老闆娘話＂新鮮最後一碟架啦，本來我諗住食左去架啦，以為你地叫左先比你地＂好彩果班男仔人品好，講笑咁答番老闆娘。埋單果時收埋魚蛋錢，好彩及時更正佢。如果想試下佢地d服務態度既可以感受下，不過我自己就唔會去啦！