Video
Read full review
2009-02-23
21 views
在一月時，我都是看完Openrice的好評如潮然後去的，但原來，好劣評真係唔可以盡信，而只應作為參考，就算係點極端都好。人數：五人（我、友人、媽、媽友人和媽友人的兒子)時間：八時許至Last order其實這間日式放題店和一般放題店差別真係不大，食物水準一般，而且不穩定。但係價錢呢，就真係不敢恭維。(五個人食了千多元。)（小裝清酒雖然在點菜紙上冇指明加錢，但問過之後原來只係假象，結果冇點其他野）___先講食物就以燒羊扒和天婦羅為例，天婦羅水平第一次吃是還可以的，蝦用上一般雪藏長蝦，Size普通，鮮味欠奉，但總算吃得出是蝦，粉漿又不厚，配合隨點的日式鼓油，可以說是過到關。然後半小時後，第二次，開始偷工減料了，粉漿厚左少少，變左唔知食蝦定食粉了。本來諗住係偶有失手，再叫第三次，一見個粉漿硬到不行，大家索性唔郁手了，我還是仁慈地給它一個機會，不過算我嘴刁，擺入口之後，面對又硬又厚既粉，我最後都係選擇左放棄，食飯姐，何必虐待自己？再說羊扒，如無記錯起碼翻過四次（原因主要係：其他食物頂唔到肚，串燒太過乾身冇肉汁，烏冬同飯質素極差，同大久保差唔幾，第一輪已經剩低一大半，小孩食了一碗之後都唔再試了。
但原來，好劣評真係唔可以盡信，而只應作為參考，就算係點極端都好。
人數：五人（我、友人、媽、媽友人和媽友人的兒子)
時間：八時許至Last order
其實這間日式放題店和一般放題店差別真係不大，食物水準一般，而且不穩定。
但係價錢呢，就真係不敢恭維。(五個人食了千多元。)
（小裝清酒雖然在點菜紙上冇指明加錢，但問過之後原來只係假象，結果冇點其他野）
___
先講食物
就以燒羊扒和天婦羅為例，
天婦羅水平第一次吃是還可以的，蝦用上一般雪藏長蝦，Size普通，鮮味欠奉，但總算吃得出是蝦，粉漿又不厚，配合隨點的日式鼓油，可以說是過到關。
然後半小時後，第二次，開始偷工減料了，粉漿厚左少少，變左唔知食蝦定食粉了。
本來諗住係偶有失手，再叫第三次，一見個粉漿硬到不行，大家索性唔郁手了，我還是仁慈地給它一個機會，不過算我嘴刁，擺入口之後，面對又硬又厚既粉，我最後都係選擇左放棄，
食飯姐，何必虐待自己？
再說羊扒，如無記錯起碼翻過四次
（原因主要係：其他食物頂唔到肚，串燒太過乾身冇肉汁，烏冬同飯質素極差，同大久保差唔幾，第一輪已經剩低一大半，小孩食了一碗之後都唔再試了。)
但係，除左第一次算係燒得唔錯，肉汁保留到，羊羶味又唔過火，之後有兩次係極羶，而且肉汁燒到冇乜，結果最後果次連身為羊痴既我都覺得有點反胃，友人更感無奈。
至於魚生，我自己唔食，媽和她友人食完亦冇乜意見，或者對於佢地黎講真係好平庸而不值一提吧。
但友人平時都係食開一壽司、和民等等平民日本料里既魚生，都俾評語話呢度既魚生麻麻地，在每樣都試過下之後都冇選擇再進行Encore，質素如何，我就不願置評了。
順便講埋串燒同其他熟食，
串燒方面，講講最普通既雞翼，
來貨是冰鮮幾乎係必然，所以要求都唔會太高，但醃都冇醃過，而且燒出黎油分少，水分亦少，結果就變成唔香又唔夠味，同近近地新星對面民泰街既爐端燒(http://www.openrice.com/restaurant/sr2.htm?shopid=25264)比，真係天同地，但人地都係開價十零蚊而已。
再講雞腎牛脷，都係衰唔夠味，本身貨源又差，食左一次之後，除左再叫牛脷用黎送飲品吹水之外，其他串燒已經唔敢再叫。
(按：我去果日並沒有燒大蝦供應，又冇貨喎…)
至於其他，
睇完大家食評話炸雞翼唔錯，所以一開始就嗌左四隻，我只可以話不過不失，論味道，甚至比巴蜀烤全魚既秘制雞翼還要差。
沒錯，它是炸得蠻香口的，但若果要話佢好食，恐怕我都過唔到自己果關。
除了是炸粉差，令表皮過硬，失去雞皮本身的香脆之外，雞肉在沒有醃過的情況下，並沒有加上足夠的調味料，令本身雪藏味更加揮之不去。
我而家先知道，巴蜀雞全翼已經不賴。
味道 : 2/5 (或者對於冇乜要求既人而言，會有3/5吧)
___
至於服務，普通啦。
由於坐房，冇乜加茶亦都可以理解，
而且光顧放題最主要都係收紙同上菜，就算上菜唔講上左Ｄ乜，或者員工黑口黑面拎野其實都無可厚非。
畢竟成日走來走去，或者真係會冇精神，笑唔出，費事講野。
反而老闆／經理都幾識做，起碼唔會唔理你先。
我雖然係客，但唔係太過分既服務，我只有予以體諒，無謂怪佢地。
漏單果度，都係算了吧，一般日式放題十味總會有兩味漏單，這是很正常的。
分數 - 3/5 (同情分2分)
___
環境普通
- 一般日式料里店格局，和上兩手既裝修一樣，冇大改變。
我冇理由因為坐房而俾佢高分。
分數 - 2.5/5 (四捨五入為3)
___
對於一間食物普通，服務麻麻，價錢偏貴，可謂全無特點的食肆，
基本上我是連寫一篇食評去談它都費事的，只係moodamin網友的文章勾起了我對這間食群的回憶，
繼而想話俾人家知，劣評唔係為左自己發洩，或者為左倒一間舖頭米而俾，
給予劣評的動機只係應該有一個，就係話俾大家知一個訊息：
「這間食肆，你光顧過後，很可能會後悔。」
Post