燒肉男 (Closed)

依間嘢開喺屯門V city對面一段時間，但一直價錢都實在太貴所以無試，今日情人節又做一送一就即管去試下，今次一試覺得質素都唔係出面講太差嘅，當然我都會係覺得今次e個價錢3百幾一個人，食物方面都仲有好大進步空間嘅，上菜速度都有少少慢，食物同點餐數量會少啲，另外服務態度都幾好，有位侍應哥哥每次送餐同收碟會鞠躬好有禮貌，有少少美中不足呢就係唔會主動幫你換網，整體來講呢個價錢OK，但係如果要正價食可以有更好選擇。