都會自助餐廳 (Closed)

本身上網找團購睇下有啲咩自助餐優惠，見到呢度有團購於是就上OpenRice睇吓啲食評，點知比我意外發現到原來OpenRice有個優惠卷，仲要平過團購!見啲食評又唔差價錢咁平於是就黎試吓！由於阿媽好鍾意食生蠔所以就一定帶埋佢來！我哋都係抱住一試無妨嘅心態！但結果係冇令我地失望！酒店嘅門面係差啲但係餐廳裏面呢就裝修算唔錯亦都好新淨！ 阿媽講咗好好嘅評語就係：如果你食生蠔嘅話呢度好抵，但如果你唔食生蠔嘅話就唔需要來食了！同埋有優惠卷就OK如果原價就真係差少少啦！啲生蠔係不斷會 refill, 雖然唔係即開即食, 但反而唔需要排隊鍾意夾幾多都得!完全唔需要爭食！salad bar 都唔錯！煙三文魚男朋友話啲三文魚刺身都好鮮！我眼見都好覺得好肥美！其他熟食其實我就唔多食嘅！媽咪試咗碗粥唔錯！我就試咗啲咖喱都覺得OK！但選擇就一定唔多㗎啦咁嘅價錢唔會expect太多！甜品方面選擇都算多㗎啦！質素來講都唔差！當中食咗個伯爵茶朱古力蛋糕好好味,雖然係一啲伯爵茶味都冇,但個朱古力味好香濃同好滑唔知會唔會好多人Miss左，因為喺蠔吧出邊仲有架雪糕車 竟然係 Movenpick 雪糕, 雖然已經好飽但都試左