喵一下 (Moved) New Location

今日咁岩係中環番工，放飯時間又唔多。本身想食一間中東野食，但放飯時間晏到過埋lunch😭。所以就想快快手行下，睇下周圍仲有咩食。點知周圍都係酒吧，行行下就去左PMQ😂。一入大門就見到呢間鋪，齋睇門面真係唔知係餐廳，會以為係賣文創精品既鋪頭。不過睇到門口放住一本menu（啲字就快甩曬色😂），就行上前睇下。雖然見到啲野食都唔平，但真係放飯時間無多，所以都係照入去食野。店入面既裝修都係行文青風，幾簡潔之餘又有啲乾花做點綴。一坐低，店員就拎左本menu比我，幫我落單，態度好好同好有禮貌。店員有啲講國語（應該係台灣人），有啲就講廣東話。我嗌左個新竹炒米粉，計埋加一要$88，對我黎講當然係好貴😭！不過味道黎講都唔錯既，落左好多菜同埋三隻蝦落去炒🤣🍤🍤🍤。米粉份量亦算足夠，唯一係稍嫌個炒米偏淋左少少，再乾番啲就好。埋左單，臨走前先再補影幾張門口既相。呢間餐廳雖然叫喵一下，但店內無貓😂，不過就有好多貓既書、精品同紀念品買🐈。如果係weekend同另一半或者朋友黎hea下放鬆下都係唔錯既選擇，但就唔好放飯趕開工黎食啦😭！