Video
Read full review
2016-01-15
429 views
此文章如未能刊登，實在愧對所有係觀塘覓食之人垃圾食物垃圾服務！最近去觀塘返工，由於人生路不熟，梗係盡量試下不同食肆。今日一班同事一齊去駿業熟食市場，試下搵好野食，點知一入就入左地獄！一係門口，就俾盛記粉麵個女人（姑且稱佢為「老闆娘」，反正佢都擺款擺到成個老闆娘咁）半邀請半攔截咁阻住我地去路，不過唔試下點知邊檔係垃圾呢～於是我地都坐低，一坐低就......嘩~原來而家觀塘熟食檔食野咁貴ka，咁點解佢隔離個檔33蚊一碟炒粉麵ge？由於價錢實在差天共地，我地差d想起身走人，仲有「老闆娘」係我地考慮ge １分鐘內問左起碼10次我地食咩，問到我地有人發惡佢先收聲，最後由於我地比較多女仔，除左有幾個獨自食粉麵外，其他人就叫左幾個牛腩飯share算，「老闆娘」塊面呢，即刻黑個墨斗呀！唔止呢～另一檯有人一坐低「老闆娘」就遞左杯水俾佢，但我地落單後問佢拎杯水，佢話無lo~到d食物嚟到，真係呢～我終於明白咩叫做天外有天，人外有人，一山還有一山低啦～我一食粉麵就只叫牛腩，所以對牛腩牛筋都有d心得。牛腩唔一定夠香，但要爽口；牛筋唔一定滑，但一定有牛味。盛記粉麵d牛腩就完全係另一回事，要幾韌就有幾韌，要幾無味就
最近去觀塘返工，由於人生路不熟，梗係盡量試下不同食肆。今日一班同事一齊去駿業熟食市場，試下搵好野食，點知一入就入左地獄！
一係門口，就俾盛記粉麵個女人（姑且稱佢為「老闆娘」，反正佢都擺款擺到成個老闆娘咁）半邀請半攔截咁阻住我地去路，不過唔試下點知邊檔係垃圾呢～於是我地都坐低，一坐低就......
60 views
0 likes
0 comments
嘩~原來而家觀塘熟食檔食野咁貴ka，咁點解佢隔離個檔33蚊一碟炒粉麵ge？由於價錢實在差天共地，我地差d想起身走人，仲有「老闆娘」係我地考慮ge １分鐘內問左起碼10次我地食咩，問到我地有人發惡佢先收聲，最後由於我地比較多女仔，除左有幾個獨自食粉麵外，其他人就叫左幾個牛腩飯share算，「老闆娘」塊面呢，即刻黑個墨斗呀！唔止呢～另一檯有人一坐低「老闆娘」就遞左杯水俾佢，但我地落單後問佢拎杯水，佢話無lo~
到d食物嚟到，真係呢～我終於明白咩叫做天外有天，人外有人，一山還有一山低啦～
我一食粉麵就只叫牛腩，所以對牛腩牛筋都有d心得。牛腩唔一定夠香，但要爽口；牛筋唔一定滑，但一定有牛味。盛記粉麵d牛腩就完全係另一回事，要幾韌就有幾韌，要幾無味就有幾無味；牛筋先精彩，肯定係用瑞士汁煮ka，無牛味但就成陣瑞士汁味之餘仲甜到呢～我未食過咁甜ge牛筋ka！真係多謝盛記，又長知識lo。
總括一句，堆填區質素但就要中環區價錢，仲要我係中環食過平好多之餘美味一萬倍的牛腩，可惜個間小店早已在兩年前關門大吉。只好慨嘆有心做的就做唔住，呢d根本唔知牛腩為何物的就可以生存下去...
不如世界末日左去吧啦
Post
