Video
Read full review
2010-05-09
249 views
大時大節自助餐每位收HK$108加一，識計數都明白不可奢求。前菜冷盤乏善足陳，唯一可圈可點係有不停添食翡翠螺，雖然出面賣都係幾蚊隻，小弟覺得好食過青口；沙律配料醬汁選擇拍得住市區四星半酒店，但沙律菜較少；凍肉以量取勝；西湯係西蘭花忌廉湯，合格。熱盤一般，牛肉豬肉雞肉由標示到煮法都好有飛機餐感覺，但以此價位計都算無偷工減料，起碼有六七盤選擇，同埋無炸雞翼等掃興小食充場面。狀似午餐肉嘅豬肉批其實味道較似火腿，即使無西冷都俾大家過下即席切肉癮，起碼做到賣相。反正大部分酒店西冷牛肉都係好睇唔好食啦。如此水準，所有熱食夾埋食一碟好停手。有即煮炒麵湯麵選擇，屬大路打邊爐材料，食到五星酒店嘅人工，但食材依舊保持在經濟水準。個人認為甜品係強項，德國同紐約芝士餅都傾向味淡鬆軟，非常適合自助餐，即使同更貴嘅自助餐比較亦可算難得地好食，仲可以留肚食食朱古力噴泉，刨冰，雪糕等。朱古力慕絲味道濃郁，椰絲慕絲軟滑芳香，其他海綿蛋糕味道不俗，布丁同慕絲賣相有誠意，以此價錢計算超值，剩係芝士餅食左３，４片。本自助餐另一精彩之處係儲備甜品大多放喺下面個玻璃雪櫃裡面，可以指定蛋糕請侍應奉上refill，唔使等運到。紐約芝
前菜冷盤乏善足陳，唯一可圈可點係有不停添食翡翠螺，雖然出面賣都係幾蚊隻，小弟覺得好食過青口；沙律配料醬汁選擇拍得住市區四星半酒店，但沙律菜較少；凍肉以量取勝；西湯係西蘭花忌廉湯，合格。
熱盤一般，牛肉豬肉雞肉由標示到煮法都好有飛機餐感覺，但以此價位計都算無偷工減料，起碼有六七盤選擇，同埋無炸雞翼等掃興小食充場面。狀似午餐肉嘅豬肉批其實味道較似火腿，即使無西冷都俾大家過下即席切肉癮，起碼做到賣相。反正大部分酒店西冷牛肉都係好睇唔好食啦。如此水準，所有熱食夾埋食一碟好停手。
有即煮炒麵湯麵選擇，屬大路打邊爐材料，食到五星酒店嘅人工，但食材依舊保持在經濟水準。
個人認為甜品係強項，德國同紐約芝士餅都傾向味淡鬆軟，非常適合自助餐，即使同更貴嘅自助餐比較亦可算難得地好食，仲可以留肚食食朱古力噴泉，刨冰，雪糕等。朱古力慕絲味道濃郁，椰絲慕絲軟滑芳香，其他海綿蛋糕味道不俗，布丁同慕絲賣相有誠意，以此價錢計算超值，剩係芝士餅食左３，４片。本自助餐另一精彩之處係儲備甜品大多放喺下面個玻璃雪櫃裡面，可以指定蛋糕請侍應奉上refill，唔使等運到。紐約芝士餅會即時端出，狀甚新鮮。
芝士餅未必係大家心目中回本菜式，整體自助餐都算做到超越HK108既誠意。特別一提餐廳有落地大窗，座位擺設開揚闊落，透入自然光真係食自助餐可以開胃Ｄ架。由於價錢經濟關係，周末可能會較多小朋友，雖然空間夠大未算應聲，但大定要注意用餐環境可能比較有家庭氣氛囉。
Post