Video
Read full review
2023-05-24
1061 views
老婆大人話呢晚帶我去睇黑珍珠心諗要帶定張信用卡去喇！點知原來我諗多咗其實佢係帶我去食餐攞咗黑珍珠一鑽大獎嘅正正中菜。餐廳就係喺尖沙咀喜來登酒店入面嘅天寶閣中菜廳，原來天寶閣已經多年獲得黑珍珠餐廳指南中聚會必吃的一鑽榮譽，我呢個孤陋寡聞嘅人都係第一次嚟食飯咋！行入去天寶閣感覺係古色古香有氣派嘅中菜廳。一坐低侍應就送嚟腰果同埋琥珀合桃，因為今晚我哋食嘅黑珍珠套餐係會配埋酒嘅，所以呢兩樣送酒嘅小食嚟得正合時宜。攞咗一鑽咁高興梗係開香檳慶祝吓啦！第一次要飲嘅係大家都好熟悉嘅法國巴黎之花特級香檳Perrier-Jouët Grand Brut NV。用香檳配第一道香煎鴨肝帶子窩巴又真係好啱Key喎。脆卜卜嘅鍋巴上面有一粒勁大勁鮮甜嘅珍寶帶子，面頭仲有一件超邪惡但係又好好味嘅炸鴨肝，一啖鴨肝一啖香檳簡直係人生一大享受呀。跟住第二枝酒係金鶴大吟釀(新潟縣) Kintsuru Daiginjo，入口好乾淨唔會太甜係我鍾意嘅清酒味道。多謝老婆大人成日帶我去食好西，梗係要同佢碰番杯先啦飲勝喇喂！飲清酒食呢個魚子芙蓉蛋白龍蝦球真係好唔錯喎！呢味菜用咗本地龍蝦嚟煮，龍蝦肉爽到一個點鮮甜就更加不在話下，不過我同
餐廳就係喺尖沙咀喜來登酒店入面嘅天寶閣中菜廳，原來天寶閣已經多年獲得黑珍珠餐廳指南中聚會必吃的一鑽榮譽，我呢個孤陋寡聞嘅人都係第一次嚟食飯咋！
行入去天寶閣感覺係古色古香有氣派嘅中菜廳。
一坐低侍應就送嚟腰果同埋琥珀合桃，因為今晚我哋食嘅黑珍珠套餐係會配埋酒嘅，所以呢兩樣送酒嘅小食嚟得正合時宜。
攞咗一鑽咁高興梗係開香檳慶祝吓啦！第一次要飲嘅係大家都好熟悉嘅法國巴黎之花特級香檳Perrier-Jouët Grand Brut NV。
用香檳配第一道香煎鴨肝帶子窩巴又真係好啱Key喎。
脆卜卜嘅鍋巴上面有一粒勁大勁鮮甜嘅珍寶帶子，面頭仲有一件超邪惡但係又好好味嘅炸鴨肝，一啖鴨肝一啖香檳簡直係人生一大享受呀。
跟住第二枝酒係金鶴大吟釀(新潟縣) Kintsuru Daiginjo，入口好乾淨唔會太甜係我鍾意嘅清酒味道。
多謝老婆大人成日帶我去食好西，梗係要同佢碰番杯先啦飲勝喇喂！
飲清酒食呢個魚子芙蓉蛋白龍蝦球真係好唔錯喎！
呢味菜用咗本地龍蝦嚟煮，龍蝦肉爽到一個點鮮甜就更加不在話下，不過我同老婆大人都勁鍾意嗰個滑得嚟又唔油嘅炒蛋白，加埋啲鹹鹹地嘅魚子食真係好過癮。
再嚟呢一個金腿蟹肉竹笙燕窩羹真係多料到癲呀！入面有勁多新鮮嘅蟹肉、養顏嘅燕窩仲有索索聲嘅竹笙，清鮮香甜嘅味道就喺哂呢碗湯羹入面。
第三枝配酒係法國卓龍夢特酒莊副牌紅葡萄酒Mondot de Château Troplong Mondot, Saint Emilion, Bordeaux, France，侍酒師話呢一支係高海拔葡萄釀製嘅靚酒，飲一啖落去果味幾香濃唔錯噃。
然後呢一味係蠔皇扣南非鮑魚，南非鮑魚煮得好鬼入味好正斗，仲有嫩滑嘅有機菠菜伴碟，呢碟菜對我嚟講好Perfect。
跟住呢一支係嚟自意大利拉瑪西亞紅葡萄酒Fattoria La Magia, Brunello di Montalcino D.O.C.G, Tuscany. Italy，話用咗40年葡萄藤嘅葡萄嚟釀製仲喺大木桶陳釀咗三年先出產，飲落去嘅味道真係比較濃郁。
要嚟配呢個香口嘅雪花煎釀銀雪魚啱晒，銀鱈魚香滑大家都知但係師傅加埋彈牙嘅蝦膠喺入面，食落去又彈牙又滑溜咁阿媽我好亂呀！不過好好食哈哈哈。
最後一枝酒係澳洲奔富聖亨利紅葡萄酒Penfolds St. Henri Shiraz, Australia，味道比較複雜除咗果香之外仲有啲香料嘅味道，鍾意層次豐富嘅朋友應該會鍾意呢枝酒，可惜我唔記得咗影相！呢一碟係炸醬肉燥撈稻庭麵用咗稻庭烏冬嚟煮，食落去好鬼滑口加埋啲肉燥香香辣辣咁好鬼惹味。
甜品都好鬼豐富㗎！呢個甜品薈萃有楊枝甘露、椰香南瓜餅、迷你燕窩蛋撻同埋金箔芝麻卷。
其實樣樣都好好食！不過咁多樣當中我最鍾意嘅係滑嘟嘟又香口金箔芝麻卷，呢個黑珍珠套餐做到六月尾父親節未訂枱嘅朋友識做啦哈哈。
天寶閣電話：23691111
地址：尖沙咀彌敦道20號香港喜來登酒店2樓
Post
