桜

Open Now

Now Closed

今日同男朋友番元朗探乾媽媽，其實是我地一個團隊的中姐姐。一直都好羨慕佢住元朗，可以有好多好好美食餐廳，今日探佢之前，經過一間日式外賣店，叫左2款食物試試。海膽拼赤海蝦手卷。海膽濃濃咸香海水味，帶啲清甜，好新鮮，海膽綿密食到最底都仲有海膽，好足料。紫菜微脆好讚賞，好驚食到軟腍腍既紫菜飯粒煙煙韌韌有咬口，唔會好腍。男朋友有啲餓，食左一個魚生飯。三文魚拼帶子拼三文魚籽和海蝦。刺身厚切入口鮮甜，最驚喜是帶子，入口爽嫩好鮮，三文魚籽脆卜卜，一咬爆出鮮甜味道。驚喜日式小店。