大和豚総本店 (Closed)

首先講下食物質素，其實個拉麵就唔算太難食，只不過就唔值得九十幾一百蚊去買一碗拉麵。而且我揀嗰個係有蟹膏味，黎嘅時候只係面頭有兩隻蝦，兩個魷魚圈，三兩粒帶子，肉同埋一teaspon綠色嘅蟹膏。大家記緊要盡快食用，因為個蟹膏非常之腥。另外一提嘅就係佢嘅服務，我一行三人，同朋友坐咗喺呢間餐廳嘅死角位，完全冇人理我哋。落錯單唔再講，服務員嘅態度都算幾差，落錯單想同佢clarify，佢完全冇聽我哋嘅食物名，搞清楚想要咩嘢食就行咗去。我朋友嗰兩碗拉麵食完連湯都飲埋，我碗蟹膏拉麵都仲未有得食。所以結論係，如果大家搵唔到嘢食，都可以去呢度，不過期望千祈唔好太高。