Anchor’s Seafood and Beer House (Closed)

新年同一家大細去食，由於太多人book, 本身一個月前book, 佢都可以冇預留BB凳比我，唉！首先，講環境，雖然交通十分不便，要特登係荃灣西鐵站轉坐234B巴士先到，不過呢到環境清幽，遠離繁華鬧市。跟住講食物，呢間野食物款式不多，大部分都係好普通煮法，例如咖哩雞、忌廉意粉、清炒時菜、黃金蝦、燒汁三文魚、泰式豬頸肉、欖菜肉鬆炒飯等等。。。不過其中有幾款幾好食，好似咖哩雞、豬頸肉。。。魚生都幾新鮮，最貴價算係長腳蟹，狂食可以回本。另外，甜品都還可以。至於其他食物，咩Pizza, 喇沙湯麵，肉眼扒，焗生蠔，真係好一般。最後2個大人1個BB, 大人一位398, 買一送一連原價加一，埋單477. 平均一個人238到。呢個價有長腳蟹仲想點。。。不過好老實，如果正價398, 仲要去咁偏僻去食，應該冇人會來。