Video
Read full review
2013-08-12
2592 views
媽媽星期一生日，所以提早同佢慶祝。本來諗住食燒肉，但兩個人又好似食唔到咩，所以都係食西餐算。 BOOK左7點，都未算太多人，只有3、4枱客。環境幾有情調，但枱與枱既距離近左啲，基本上都聽到隔離枱講咩。去左差不多8點都已經FULL哂枱，有好多都係三五知己黎，所以環境變得嘈左好多。第一時間睇下食咩先，佢有兩種一人SET，一種百幾另一種就二百幾。但一人SET啲主菜好似麻麻地，見呢個二人SET又有海鮮拼盤就叫左呢個。第一樣係麵包同沙律，麵包有叮過，暖暖地，食落無提子乾但好味提子味，仲有舊香草牛油，好味，成舊牛油清哂 但唔知點解麵包唔係同湯一齊上，我見枱枱都係咁，莫非麵包唔應該送湯？個沙律都好好味，菜好爽好新鮮，無苦味。有適當既沙律醬、煙肉碎、好脆既麵包粒同芝士粉。第一次同媽媽係出面既餐廳食哂個沙律，其他餐廳總會有我地唔食既野，所以一般都食唔哂。我仲見幾多人就有幾多份量既沙律，有枱成7、8個人，個沙律盤好大個，好似屋企開PARTY咁。拼盤有 ： 生蠔兩隻、藍貝四隻、鮮蝦四隻、加拿大蜆八至十隻、法國螺兩隻呢度藍貝出名，就試試質素如何吧！佢係用2層架上，姐係好似HIGH TEA咁。不過個架太高，其實
BOOK左7點，都未算太多人，只有3、4枱客。環境幾有情調，但枱與枱既距離近左啲，基本上都聽到隔離枱講咩。去左差不多8點都已經FULL哂枱，有好多都係三五知己黎，所以環境變得嘈左好多。
第一時間睇下食咩先，佢有兩種一人SET，一種百幾另一種就二百幾。但一人SET啲主菜好似麻麻地，見呢個二人SET又有海鮮拼盤就叫左呢個。
第一樣係麵包同沙律，麵包有叮過，暖暖地，食落無提子乾但好味提子味，仲有舊香草牛油，好味，成舊牛油清哂 但唔知點解麵包唔係同湯一齊上，我見枱枱都係咁，莫非麵包唔應該送湯？個沙律都好好味，菜好爽好新鮮，無苦味。有適當既沙律醬、煙肉碎、好脆既麵包粒同芝士粉。第一次同媽媽係出面既餐廳食哂個沙律，其他餐廳總會有我地唔食既野，所以一般都食唔哂。我仲見幾多人就有幾多份量既沙律，有枱成7、8個人，個沙律盤好大個，好似屋企開PARTY咁。
拼盤有 ： 生蠔兩隻、藍貝四隻、鮮蝦四隻、加拿大蜆八至十隻、法國螺兩隻呢度藍貝出名，就試試質素如何吧！佢係用2層架上，姐係好似HIGH TEA咁。不過個架太高，其實睇唔到有D咩食=.=
蝦幾大隻，幾鮮味。螺又超大隻，夠多肉，無沙。生蠔好好味，一啲醒味都無，好想叫半打，但仲有其他野怕食唔哂，所以最後無叫到。
蜆唔算大隻，同埋我食到一隻有沙。最出名既藍貝，我又覺得無咩特別喎，不過不失。
食完海鮮拼盤先上湯。媽媽要左周打蜆湯，入面都有幾多蜆，幾滑幾好味。仲有好脆既麵包粒，浸耐左都唔會太淋。我叫左是日餐湯-磨菇湯。食到好多磨菇粒粒同好香黑松露味，不過比我理想中既磨菇湯都係未夠濃。兩碗湯都畫上心心，幾有心思。
主菜黎喇，叫左七成熟。入面啲肉係紅，但係好韌，好乾無肉汁，用把大刀都切唔開。不過炭燒味好香，好重牛味。薯條都好脆好好食，棵西蘭花仲用蒜蓉煮過，唔係白灼，有心思。
唔係好多餐廳煮意大利飯好食，呢度都唔例外。食唔夠粒粒分明，痴埋一PAT，同埋唔夠濕。帶子煎得唔夠香口，無出面脆入面仲好JUICY既感覺。
最後上甜品，有好多款可以揀。我揀左朱古力軟心蛋糕，真係流心架，好香濃朱古力味，但蛋糕唔夠軟熟硬左些少。相反芒果雪葩好出色，好香濃芒果味，再配士多啤梨同芒果粒，清一清味蕾，為晚飯劃下完美既句號。
Other Info. :
我見隔離果枱係慶祝生日，聽聞甜品寫字係要加錢。但我見個待應放低甜品果陣生日快樂都無句，放低就走左，好似氣氛差左啲喎。
(The above review is the personal opinion of a user which does not represent OpenRice's point of view.)
Post
