妖怪 (Closed)

中環區精緻餐廳多不勝數，不過講到最有噱頭嘅莫過於係呢間叫做《妖怪》嘅居酒屋🔥餐廳內嘅LED屏幕會播放日本妖怪動畫，玩味十足🌝嚟得居酒屋，點少得叫啲飲酒吹水嘅小食🍻《燒沙甸魚乾》好有咀勁，點蛋黃醬食味道更佳👍🏼串燒都係必叫🍢《雞蠔肉》同《免治雞肉》都燒得焦香可口，雞肉有肉汁又夠嫩口，推介一定要試🤟🏼刺身方面，佢哋嘅《中拖羅 赤身 大拖羅》簡直無得輸👏🏼每片都充滿光澤，師傅刀功了得刺身唔會有筋，係近期食過質素最好嘅呑拿魚刺身🫶🏻主食《熊本牛燒肉御膳定食》都係必食推介👍🏼熊本和牛肥瘦均勻，半熟蛋蛋黃滲落飯入面超誘人，講起又想去食多次啦🤤