Video
Read full review
2015-11-30
1102 views
經常喺銅鑼灣出沒o既契妹一發現以其雪糕三文治聞名o既「Elephant Grounds」於區內開設分店，就急不及待捉咗小肥契哥陪同一試 。店子側旁有個亮白o既餐牌列出多款雪糕三文治o既口味。外牆與室外座位o既枱櫈裝修全為木造，極富大自然氣息。室內則好夠光亮 ，四邊牆身都咁白雪雪。直入門口右邊先為水吧及收銀處。柱上有個木造o既咖啡餐牌。樓底高o既餐廳正中央排出一列打對面o既高櫈吧位。中間掛有幾盞吊燈，感覺簡單整齊。左邊吉空o既一角為矮枱位置，可能望落都已經唔多舒服 ，結果全晚都冇人坐。食客大多都選擇坐後面正常高度o既二至四人四方枱，我地兩個都唔例外。餐店左右兩邊o既天花同以一片倒掛草皮作裝飾，第一感可能都幾健康，不過望多幾眼就開始驚有野會跌落黎咁，有啲驚驚。「Elephant Grounds」門外及紙餐牌上都講名餐廳主打雪糕三文治，點知分店新開張期間卻冇主打甜品提供 ，甜品只有一款餐牌上都未有o既西多士，講真都有啲反感架 ！！！冇計啦，既然一早預咗入黎食甜品，所以都叫咗客西多黎試，結果居然等咗成大半個鐘頭先有野食 ！等待期間服務生曾經俾咗兩杯水我地飲，不過飲完一杯就冇再添過，
店子側旁有個亮白o既餐牌列出多款雪糕三文治o既口味。
外牆與室外座位o既枱櫈裝修全為木造，極富大自然氣息。
室內則好夠光亮 ，四邊牆身都咁白雪雪。直入門口右邊先為水吧及收銀處。
柱上有個木造o既咖啡餐牌。
樓底高o既餐廳正中央排出一列打對面o既高櫈吧位。
中間掛有幾盞吊燈，感覺簡單整齊。
左邊吉空o既一角為矮枱位置，可能望落都已經唔多舒服 ，結果全晚都冇人坐。
食客大多都選擇坐後面正常高度o既二至四人四方枱，我地兩個都唔例外。
餐店左右兩邊o既天花同以一片倒掛草皮作裝飾，第一感可能都幾健康，不過望多幾眼就開始驚有野會跌落黎咁，有啲驚驚。
「Elephant Grounds」門外及紙餐牌上都講名餐廳主打雪糕三文治，點知分店新開張期間卻冇主打甜品提供 ，甜品只有一款餐牌上都未有o既西多士，講真都有啲反感架 ！！！
冇計啦，既然一早預咗入黎食甜品，所以都叫咗客西多黎試，結果居然等咗成大半個鐘頭先有野食 ！
等待期間服務生曾經俾咗兩杯水我地飲，不過飲完一杯就冇再添過，唔知係咪唔高興二人只叫咗一客甜品分，一杯飲品都冇叫呢？！
水
59 views
1 likes
0 comments
西多士
$88
71 views
2 likes
0 comments
西多士
$88
89 views
3 likes
0 comments
「Elephant Grounds」於銅鑼灣新開分店，卻未能提供主打雪糕三文治，直令人失望萬分 。食店於食客不多o既時候都唔可以有效率地煮出推介甜品，簡單o既西多就連XO仔都煮得好食過佢，服務生更看似不甚享受工作，欠缺熱誠，要俾$88去令精神及肚皮不快，個人覺得絕對唔抵呀 ！
Post
