祥興餐室

Open Now

Now Closed

下午收到老媽來電，要去沙田圍站睇醫生，陪老媽睇完醫生，行出嚟便是博康邨了，唔想老媽一個人仲要回家煮晚餐，便在博康邨商場陪她食嘢，見到這間祥興餐室有卡位，便拖老媽入去。一坐低看到個下午茶餐牌，咁熟面口既?打開本大餐牌簿看看格式，內容，完全與大圍新城餐廳一樣，再看到場內果位疑似經理與老細之間的男士，(以前都有在新城幫手的)不用慢慢看餐牌了，對咗呢個餐牌咁多年，合埋眼都知道有乜食?想不到始終都離不開這個集團😂。下午茶不太肚餓，當然係叫腿蛋菠蘿飽(麵包是攞貨回來再烘的，但夾了腿蛋，又出奇的配合)及凍奶茶囉！(因我在另一間，每次飲完咖啡，個胃都唔舒服的，純粹個人問題。)老媽叫了蕃茄湯豬軟骨米線(這個是我女在新城必食的，這兒的煮法都完全一樣，但我就覺得蕃茄湯太濃太漿口，不太喜歡，但每人的口味都唔同，老媽食完都冇投訴，證明啱佢胃口)。