Video
Read full review
2004-07-10
6 views
一星期內第二次光顧，山長水遠為的是晚餐，無他ｏ既，因為第二朝適逢紅日嗎！翻兜叫南瓜湯同埋芥辣雞肉nachos，另叫龍蝦湯、凱薩雞肉沙律、芝士磨菇煙肉（類似這個名）寬條麵，還有幾杯飲品。南瓜湯Vs 龍蝦湯：還是南瓜湯漸優，個南瓜比上次還大些少添，依然都係好清甜ｏ既湯；龍蝦實在太濃味喇，有點濟／膩，本人覺得濃味到腥添，不過個麵包頂好脆，用黎送，無咁腥！飲完兩個湯基本上已經有「到肚」ｏ既感覺喇；沙律：未食過一間雞肉係唔「鞋」口，哩度可以做到，雞肉好嫩，成個沙律只欠些少「酸」ｏ既味道，算係開胃之選ｏ架；寬條麵：我哩個對寬條麵有殺錯無放過ｏ既人黎講，有些少失望添，我同友人都一致認為佢ｏ的麵條好有問題，唔知係煮得唔透丫，定係麵條轆得唔夠薄，唔識用什麼terms去形容，總知就覺得硬硬地差咁ｏ的野咁，話雖如此，佢地個汁同配料係絕對Okay；飲品：翻兜左mango cooler，但今次哩個可能用左「青芒」（或者係未熟芒果），好鬼酸，友人介紹ｏ既Strawberry/Mango Daiqurai，有酒精系列．．．（由於之前未飲過，無得比較），不失為消暑飲品！live band:好明顯跟星期日果team「削
翻兜叫南瓜湯同埋芥辣雞肉nachos，另叫龍蝦湯、凱薩雞肉沙律、芝士磨菇煙肉（類似這個名）寬條麵，還有幾杯飲品。
南瓜湯Vs 龍蝦湯：還是南瓜湯漸優，個南瓜比上次還大些少添，依然都係好清甜ｏ既湯；龍蝦實在太濃味喇，有點濟／膩，本人覺得濃味到腥添，不過個麵包頂好脆，用黎送，無咁腥！飲完兩個湯基本上已經有「到肚」ｏ既感覺喇；
沙律：未食過一間雞肉係唔「鞋」口，哩度可以做到，雞肉好嫩，成個沙律只欠些少「酸」ｏ既味道，算係開胃之選ｏ架；
寬條麵：我哩個對寬條麵有殺錯無放過ｏ既人黎講，有些少失望添，我同友人都一致認為佢ｏ的麵條好有問題，唔知係煮得唔透丫，定係麵條轆得唔夠薄，唔識用什麼terms去形容，總知就覺得硬硬地差咁ｏ的野咁，話雖如此，佢地個汁同配料係絕對Okay；
飲品：翻兜左mango cooler，但今次哩個可能用左「青芒」（或者係未熟芒果），好鬼酸，友人介紹ｏ既Strawberry/Mango Daiqurai，有酒精系列．．．（由於之前未飲過，無得比較），不失為消暑飲品！
live band:好明顯跟星期日果team「削」了些少，都是唱ｏ的舊英文歌，一哼起大家都耳熟能詳。
Post
