Video
Read full review
2012-03-30
339 views
1月5日, 124週月快樂!每年一到冬天我地就好想搵一日去食下煲仔飯暖下胃~ 不過等到今年冬天快完我地都未有機會食, 所以決定今晚食個美味煲仔飯作為我地週月慶祝大餐~ 算得上經典嘅炭爐煲仔飯喺香港真係唔多, 今次俾我地揀中嘅係渣華道街市嘅新翠華~::: 麵豉醬唐生菜 ::: $42因為知道即叫即製嘅煲仔飯需時最少都要30分鐘, 就先叫個菜嚟陪我地渡過漫長嘅等食時間~ 呢個生菜麵豉就有幾粒, 但係醬就唔係好睇得出, 仲要成個碟底都係油, 真係油菜…其實咁多油味道一定香, 不過麵豉味就欠奉~ 算啦都係俾我地攝下時間啫, 除咗碟野唔值呢個價錢都冇野好講…::: 田雞潤腸飯 ::: $55見佢一枱一枱咁出d煲仔飯, 等到口水都流晒, 幾時先到我地? 應該等咗有40分鐘, 終於輪到我地, 一上枱仲未可以即刻食, 先淋上煲仔飯豉油, 再焗多5分鐘, 等d飯充分吸收晒d豉油, 先開蓋~ 嘩一陣濃煙即時飄出嚟, 香氣撲鼻, 熱辣辣嘅飯同料, 立即食指大動! 炭爐煲嘅真係唔同d, 有一陣嘅炭燶味, 好似以前喺鄉下食飯嗰d味道. 好少可食田雞, 難得食煲仔飯梗係叫! 份量都ok, 味道唔錯, 有陣時田雞
每年一到冬天我地就好想搵一日去食下煲仔飯暖下胃~ 不過等到今年冬天快完我地都未有機會食, 所以決定今晚食個美味煲仔飯作為我地週月慶祝大餐~ 算得上經典嘅炭爐煲仔飯喺香港真係唔多, 今次俾我地揀中嘅係渣華道街市嘅新翠華~
::: 麵豉醬唐生菜 ::: $42
因為知道即叫即製嘅煲仔飯需時最少都要30分鐘, 就先叫個菜嚟陪我地渡過漫長嘅等食時間~ 呢個生菜麵豉就有幾粒, 但係醬就唔係好睇得出, 仲要成個碟底都係油, 真係油菜…其實咁多油味道一定香, 不過麵豉味就欠奉~ 算啦都係俾我地攝下時間啫, 除咗碟野唔值呢個價錢都冇野好講…
::: 田雞潤腸飯 ::: $55
見佢一枱一枱咁出d煲仔飯, 等到口水都流晒, 幾時先到我地? 應該等咗有40分鐘, 終於輪到我地, 一上枱仲未可以即刻食, 先淋上煲仔飯豉油, 再焗多5分鐘, 等d飯充分吸收晒d豉油, 先開蓋~ 嘩一陣濃煙即時飄出嚟, 香氣撲鼻, 熱辣辣嘅飯同料, 立即食指大動! 炭爐煲嘅真係唔同d, 有一陣嘅炭燶味, 好似以前喺鄉下食飯嗰d味道. 好少可食田雞, 難得食煲仔飯梗係叫! 份量都ok, 味道唔錯, 有陣時田雞內臟洗唔清會有d腥味, 但呢個無, 唔錯~ 潤腸偏肥, 但潤味都香~ 當然唔會要求佢會俾靚潤腸, 都係為求襯番個煲仔飯~ 飯就真係冇得比, 超好味, 混入豉油嘅飯好香, 好鮮甜, 厚厚嘅飯焦脆卜卜, 真係好耐冇食過, 感覺良好~
::: 荔茸肉碎飯 ::: $55
呢個飯感覺比田雞潤腸飯更加好味, 可能係因為d材料大多都好碎, 可以吸收更多豉油嘅精華, 特別係嗰d肉碎, 混入咗冬菇粒又煮得入味~ 撈埋個飯食簡直一流! 兩球好似雪糕咁嘅荔茸亦都焗到好香, 質地軟綿綿又夠滑, 芋頭味亦都好夠, 同肉碎好夾~ 好好味!
嚟得呢度其實只係為咗食煲仔飯, 其他菜就唔建議叫. 但係要等咁耐先有得食, 最好都係未係咁餓嘅時間嚟, 坐到餓就有得食喇~
Post
