滿記甜品 (V Walk)

Open Now

Now Closed

難得請咗假去東歐，無奈那疫情令航班取消，代表我既重遊布拉格之旅就此泡湯了（哭了）既然無得去旅行，又被逼清假期，唯一既方法就係用勁食去減低失落感～ 廢話都係唔多講，難得姨甥女唔水返學疫情又受控，當然要黎個牛角燒烤群組啦食完牛牛成口油脂，又唔想食牛角甜品雪糕，姨甥女不停嚷要食滿記，仲話一場黎到唔食滿記咪等於無黎過，有無咁嚴重呀，真係比佢激親，想食又何需找藉口呢來吧～ 姨甥女係好識食，最愛仙草芋圓類既甜品，我就最愛燉鮮奶或蛋白類，當然乜都嗌咗先唔好蝕，仲加咗3粒糖不甩，最搞笑原來有優惠，啱啱滿$80蚊送咗一客花彫薰蛋，又會咁好彩既，整體全部都極高水準，價錢唔貴且超級足料，無乜客人又唔水等位，我一定會再帶為食姨甥女去食食食