Lady M

Open Now

Now Closed

第一次堂食Lady M既蛋糕，之前食過伯爵茶非常喜愛，不過有新野就梗係要試下。Wisky Dark Chocolate Mousse $68/pc呢個味道令我雙眼發曬光，威士忌 x 黑朱古力，完美。蛋糕非常有層次，賣相靚，最底層係一堆朱古力脆脆，然後上一層係朱古力蛋糕，再上就口感實啲，帶酒味，再夾住一小層威士忌啫喱，然後就朱古力慕絲同頂層，所有層數一齊食會好豐富，黑朱古力唔會死甜，濃郁，威士忌味道亦剛好，醇香。件蛋糕既威士忌味有掟企，而個黑朱古力味又好爭氣，每一口都要慢慢細味品嚐，每一口都體驗到極深幸福，每一口都體驗到脆，鬆軟，幼滑，濃厚，香醇，香氣，慢慢係口腔入面巡迴演出。雖然蛋糕價錢唔平，不過，間唔中食，等自己幸福下，當係慰勞下自己都係值得。