Video
Read full review
2019-09-06
178 views
{三星葛瑪蘭威士忌麵 $188 🥃🍜}三星既花雕牛肉麵之前食過覺得好唔錯 估唔到佢地而家繼花雕麵後 又有新諗頭 將威士忌混入台灣牛肉麵！😱呢碗麵唔單止係味蕾既享受 更係視覺既享受！店員先會用火槍將生牛片炙燒至半生熟 再灑上少少麥芽燒香 然後點著台灣葛瑪蘭威士忌 令酒精揮發再混入麵中～咁就食得啦🎉先飲一啖湯底 嘩好正啊！飲到牛肉湯底既鮮甜既同時 又充滿威士忌既麥香同酒香！威士忌燒得恰到好處 後勁仍然會有酒精既微辣 但入口一啲都唔會覺得嗆！成碗麵香氣濃郁醇厚😚 唯獨就係有點偏甜😛唔單止湯底 連啲麵同所有餸都一一吸收晒威士忌既精華！尤其嗰幾片火炙牛肉 油脂分布平均 肉質嫩滑入口即化 肉味又濃 加埋個酒味 真係一流！除左生牛片 配菜仲有牛肚 牛筋 同牛𦟌～ 記得當時第一次食三星既時候 覺得啲肉炆得唔係特別出色 估唔到今次進步左好多！全部都炆得軟稔入味！整碗麵真係好高質！不過始終都係嗰個問題 啲麵太稔😣 但相信愛酒人士一定會鍾意呢碗威士忌牛肉麵！_{海膽魯肉飯 $158 🍚}另外既海膽魯肉飯都有驚喜！底下既魯肉飯本身都唔錯的 魯肉粒粒分明 肥而不膩 而且
15 views
0 likes
0 comments
三星既花雕牛肉麵之前食過覺得好唔錯 估唔到佢地而家繼花雕麵後 又有新諗頭 將威士忌混入台灣牛肉麵！😱
呢碗麵唔單止係味蕾既享受 更係視覺既享受！
店員先會用火槍將生牛片炙燒至半生熟 再灑上少少麥芽燒香 然後點著台灣葛瑪蘭威士忌 令酒精揮發再混入麵中～咁就食得啦🎉
先飲一啖湯底 嘩好正啊！飲到牛肉湯底既鮮甜既同時 又充滿威士忌既麥香同酒香！威士忌燒得恰到好處 後勁仍然會有酒精既微辣 但入口一啲都唔會覺得嗆！成碗麵香氣濃郁醇厚😚 唯獨就係有點偏甜😛
唔單止湯底 連啲麵同所有餸都一一吸收晒威士忌既精華！尤其嗰幾片火炙牛肉 油脂分布平均 肉質嫩滑入口即化 肉味又濃 加埋個酒味 真係一流！
除左生牛片 配菜仲有牛肚 牛筋 同牛𦟌～ 記得當時第一次食三星既時候 覺得啲肉炆得唔係特別出色 估唔到今次進步左好多！全部都炆得軟稔入味！
整碗麵真係好高質！不過始終都係嗰個問題 啲麵太稔😣 但相信愛酒人士一定會鍾意呢碗威士忌牛肉麵！
_
{海膽魯肉飯 $158 🍚}
19 views
0 likes
0 comments
另外既海膽魯肉飯都有驚喜！
底下既魯肉飯本身都唔錯的 魯肉粒粒分明 肥而不膩 而且份量都既慷慨 感覺真係啖啖肉！不過小編們鍾意更重口味的 就覺得醬汁味道可再香濃一啲😛
但呢碗飯重點係面頭加左滿滿既海膽😻 海膽味道雖然唔算超級濃郁香甜 但勝在鮮味唔腥 而且即使拌入魯肉飯 味道都冇被冚到！加埋大大粒爽口飽滿既三文魚籽 鮮味即刻upupup！估唔到海膽同魯肉飯又幾有化學作用呢😻
_
覺得三星雖然未必係最正宗最棒的台菜店 但質素絕對唔差 而且食品新意十足 值得一試喔😚
Post
