娘娘喫茶 (Closed)

同朋友喺北角食完野，諗住行吓街點知見到內街入邊，有呢一間幾新淨嘅鋪頭，又想飲下野，所以就同兩個朋友一齊嚟試吓買呢間野啦！呢間飲品店主要買優質嘅茶，所以飲落去同出面嘅味道，更加濃郁同香。收銀嗰度仲有教究竟呢間鋪個名頭點樣讀添！我自己就嗌左呢一杯芝士碳培烏龍，佢上面嘅芝士份量好多，而且因為可能我嗌無糖，所以茶味飲落去，都比較香，而且亦都清淡。如果唔想飲得咁飽肚嘅朋友可以試吓呢一杯！而我朋友就嗌左啲一個娘娘招牌水果茶，入面嘅水果好多種類，包括有熱情果、橙、西瓜等等。飲落去唔會好酸，亦都唔會好甜，味道啱啱好。飲完呢個之後，都好解膩。最後我有一個食極都唔肥嘅朋友，就嗌咗呢個非常之邪惡嘅Oreo芝士奶茶！我朋友點左全糖，加埋啲芝士同Oreo真係好邪惡。奶茶係屬於甜甜地嗰種，而且個奶味都好重，所以配埋啲芝士成個味道好濃郁。