Video
Read full review
2023-01-06
324 views
午飯時間行過金鐘，正想不知道要食咩嘅時候俾我䏲到呢間餐廳。上OpenRice見佢的食評不錯，咁啱餐廳又冇乜人，於是就入去試試佢。午飯餐廳上只有三個選擇，都係98蚊，我就要咗個娘惹濃厚喇沙。因為係午市，另外加15蚊仲可以嗌特飲，我就要咗一杯青檸冰茶。個娘惹喇沙嘅湯底的確係好過一般餐廳，配料方面有蝦，半個蛋，芽菜，魚餅，豆腐等。話係有雞絲，但係唔留意嘅話真係睇唔到，所謂魚餅，係切成條狀，坦白講，我從來冇食過咁樣上枱嘅魚餅（通常係切一片片）。唔知係唔係因為餐廳都知道佢哋嘅性價比較低，所以餐廳俾人免費添加麵條。至於杯青檸冰茶，個青檸只有姆指嘅手指甲咁大，所以飲嘅係茶，唔好想有青檸味。總結嚟講，尼碗喇沙係OK嘅，只不過CP值唔高，加上餐廳位置唔就腳，所以對我嚟講應該都係冇下次喇！
午飯餐廳上只有三個選擇，都係98蚊，我就要咗個娘惹濃厚喇沙。因為係午市，另外加15蚊仲可以嗌特飲，我就要咗一杯青檸冰茶。
個娘惹喇沙嘅湯底的確係好過一般餐廳，配料方面有蝦，半個蛋，芽菜，魚餅，豆腐等。話係有雞絲，但係唔留意嘅話真係睇唔到，所謂魚餅，係切成條狀，坦白講，我從來冇食過咁樣上枱嘅魚餅（通常係切一片片）。唔知係唔係因為餐廳都知道佢哋嘅性價比較低，所以餐廳俾人免費添加麵條。
娘惹濃厚叻沙
$98
47 views
0 likes
0 comments
至於杯青檸冰茶，個青檸只有姆指嘅手指甲咁大，所以飲嘅係茶，唔好想有青檸味。
總結嚟講，尼碗喇沙係OK嘅，只不過CP值唔高，加上餐廳位置唔就腳，所以對我嚟講應該都係冇下次喇！
Post
