Video
Read full review
2021-04-21
72 views
今日心情好，想試新野，朋友約左我黎呢間位於炮台山既娜吧。第一次黎，仲以爲酒吧一定係食西餐，點知原來呢度係一間fusion餐廳酒吧，唔係据扒飲紅酒，反而係食各款日式拉麵。而拉麵仲係由曾於米芝蓮拉麵店做野嘅師傅主理。獨創拉麵有五款，價錢由$98到$168不等。加$30拼一款小食，又可以加錢要叉燒或者蛋，每款加$15。呢度餐牌仲有好多佐酒小食。日式沾麵 $128呢個係廚師強烈推介，打卡必試，我哋當然要試下。唔怪之得，原來日式沾麵會出煙，好夢幻！沾麵係刀削麵，係凍嘅，上面加左三文魚刺身條，蟹柳絲，紫菜絲同白芝麻粒，成座山咁。伴碟有一隻醣心蛋一開二。沾麵汁就熱辣辣，非常杰，原來加左好多肉碎，面頭加一塊紫菜同少少五味粉。刀削麵麵質硬度適中，都幾掛汁，麵加汁味道啱啱好，唔會過鹹。三文魚刺身幾新鮮肥美，點佢哋嘅特製刺身豉油同wasabi好好味喎。佢哋嘅醣心蛋原來係鹵水，好入味而蛋黃又淋又甜。總括而言，係幾特別嘅一款沾麵。自家製黑豚叉燒拉麵(例牌) $98第一次黎一定要試吓呢個自家製黑豚叉燒拉麵例牌先。首先飲一啖湯，豬骨味濃唔太油。拉麵係幼麵，質感都算適中，唔會太硬或太軟。自家製黑豚叉燒一大塊，係五花腩
獨創拉麵有五款，價錢由$98到$168不等。加$30拼一款小食，又可以加錢要叉燒或者蛋，每款加$15。呢度餐牌仲有好多佐酒小食。
日式沾麵 $128
呢個係廚師強烈推介，打卡必試，我哋當然要試下。唔怪之得，原來日式沾麵會出煙，好夢幻！
沾麵係刀削麵，係凍嘅，上面加左三文魚刺身條，蟹柳絲，紫菜絲同白芝麻粒，成座山咁。伴碟有一隻醣心蛋一開二。
沾麵汁就熱辣辣，非常杰，原來加左好多肉碎，面頭加一塊紫菜同少少五味粉。刀削麵麵質硬度適中，都幾掛汁，麵加汁味道啱啱好，唔會過鹹。三文魚刺身幾新鮮肥美，點佢哋嘅特製刺身豉油同wasabi好好味喎。佢哋嘅醣心蛋原來係鹵水，好入味而蛋黃又淋又甜。總括而言，係幾特別嘅一款沾麵。
自家製黑豚叉燒拉麵(例牌) $98
第一次黎一定要試吓呢個自家製黑豚叉燒拉麵例牌先。首先飲一啖湯，豬骨味濃唔太油。
拉麵係幼麵，質感都算適中，唔會太硬或太軟。
自家製黑豚叉燒一大塊，係五花腩半肥瘦，豬肉味濃，原來又係用鹵水腌過。另外仲有d豬肉碎，豬肉味都幾好同冶味。其他配料有一隻醣心蛋一開二，兩大塊香脆紫菜，香蔥條同蔥花，增添香味。
日式鱈魚豆腐 加$30
加錢叫左一款小食，三款揀一，揀左日式鱈魚豆腐。鱈魚豆腐一客四件，新鮮熱辣整起。魚味幾濃又彈牙，整到好似豆腐四方磚咁。隨碟附上日式芝麻醬同加左五味粉嘅沙律醬。個人鍾意日式芝麻醬多d。
炸蝦片
試業中免加一同送小食。呢個小食炸蝦片係自製，香脆健康唔太油。可以點隨碟嘅甜酸醬食。老闆娘話好多顧客為左呢個小食而黎。
小食
呢個小食喺三點後Happy Hour就會送，有wasabi豆，花生同開心果，份量都唔少。
餐廳裝潢以玫瑰金色為主調，牆上有好多小裝飾。
環境幾好，音樂非常輕鬆，黎呢度happy hour一流。服務態度非常好，老闆娘好熱情招呼，明顯重視顧客感受，誠意十足，值得推介。
Post
