上海婆婆336 (Closed)

開飯啦！唔知食咩好，近近地，搵間係屋企附近商場的餐廳開飯。上海婆婆係這商場，開業左兩年左右，都未有幫襯過，反而係新都城就食過了，今晚，就選擇呢間吧！餐廳的裝飾比較特別，用上黑白灰的調和色系，比人冷的感覺，但侍應的招呼，溶掉冷感，很窩心啊！看到每樣的食物，都好有想食！上海酸辣湯$35/位，沒想到份量都幾大碗，足夠兩人食用，有四小碗，湯濃，湯料十足，有冬菇絲、木茸絲、豆腐絲、蛋花，但酸辣味則淡左，我比較喜歡濃味，更可增添胃口。黑醋排骨，微酸入味，啖啖肉，肉質嫩滑彈牙，肉質彈出，肥瘦適中，是佐飯一流。黃金炒飯，鑊氣夠，米飯粒粒晶瑩，每粒都比蛋黃包裹著，蝦仁大大隻，肉質爽彈，加上火腿溶蛋香味，增添口感。生煎包，$35/3個，即叫即煎，入口熱辣辣，包皮軟熟，肉質鮮味，肉汁流出，停不了。