Video
Read full review
2017-12-15
4368 views
由於籌備婚禮，我個人無論physical定mental 都已經collapse，未來老公為咗鼓勵我，係我心儀嘅舖頭買咗3千蚊野我，仲俾我係希慎任揀食一間野，結果我揀咗呢間嚟食任食火鍋，婚前最後放縱 ! 今日係星期日，6點去到都仲係無乜人，唔知係唔係呢間野算係高層無乜人等，所以我好輕易無book位又唔使等位就入到去。同旺角尖沙咀一樣，都仲係好多野揀，而且甜品亦都比兩間舖頭多咁~ 飲品櫃依然係壯觀，放到好似便利店一樣，仲有好多特式野揀。我地叫咗嗰個鍋係博多豬骨，其實我本來以為係奶白色架，但諗諗下，嗰啲應該係用嚟食麵，佢一上嚟嗰時，都聞到陣陣嘅濃湯香味由於我地今次食嗰個係有海鮮嘅套餐，佢為咗令到我地食到海鮮最美味嘅時間，係俾咗個小漏斗我地計時，呢個算係同其餘兩間唔同嘅地方當然即刻要試嘅係極上澳洲和牛啦~ 我都係為咗佢先揀呢個餐jar ~ 店家完全係不惜工本，排到咁鬼靚~ 單係食呢碟野係出面至少都$328啦~ 入口真係好有牛味，而且油脂分佈平均，食唔停口呀~ 當然我都有叫到佢地嘅特級美國豚腩肉同埋精選巴西雞腿肉，唔知係唔係豚腩肉切得好薄，容易入口又唔鞋口，雞腿肉都無乜雪味。今次嘅主角係呢盤無上
今日係星期日，6點去到都仲係無乜人，唔知係唔係呢間野算係高層無乜人等，所以我好輕易無book位又唔使等位就入到去。
同旺角尖沙咀一樣，都仲係好多野揀，而且甜品亦都比兩間舖頭多咁~
飲品櫃依然係壯觀，放到好似便利店一樣，仲有好多特式野揀。
我地叫咗嗰個鍋係博多豬骨，其實我本來以為係奶白色架，但諗諗下，嗰啲應該係用嚟食麵，佢一上嚟嗰時，都聞到陣陣嘅濃湯香味
由於我地今次食嗰個係有海鮮嘅套餐，佢為咗令到我地食到海鮮最美味嘅時間，係俾咗個小漏斗我地計時，呢個算係同其餘兩間唔同嘅地方
當然即刻要試嘅係極上澳洲和牛啦~ 我都係為咗佢先揀呢個餐jar ~ 店家完全係不惜工本，排到咁鬼靚~ 單係食呢碟野係出面至少都$328啦~ 
入口真係好有牛味，而且油脂分佈平均，食唔停口呀~
當然我都有叫到佢地嘅特級美國豚腩肉同埋精選巴西雞腿肉，唔知係唔係豚腩肉切得好薄，容易入口又唔鞋口，雞腿肉都無乜雪味。
今次嘅主角係呢盤無上限添加嘅海鮮拼盤，每樣野都真係有返咁上下SIZE，大海蝦嘅直徑有我成隻手掌咁長，仲有啲廣島蠔啊、帆立貝啊、翡翠螺啊咁~
呢隻海蝦啲蝦肉好結實，入口爽口，而且個蝦頭勁多膏
平時啲任食帆立貝多數好似手指甲咁大，但係呢度嗰啲直徑起碼有4cm ! 入口無雪味，而且貝肉又無渣，帆立貝群邊又有咬口。
翡翠螺嘅螺肉都有返咁上下大啊~ 平時嗰啲自助餐4百幾蚊都係限時供應，呢度就無呢樣野~ 入口煙韌再加上浸過個濃湯，真係好好食啊~
我最意想不到嘅係呢個日本魷魚，本來覺得應該係啲cheap野，但係食落又幾過癮，好鬼爽口，唔係放咗勁耐嗰啲酸縮野~ 
總括嚟講，銅鑼灣店都無令我失望，仍然keep住個水準 !!! 令我呢餐啲卡路里都吸收得幾抵~
Post
