御品軒 (Closed)

想對御品軒作出評語前, 好奇地想看看其他朋友有甚麼留評, 竟然是笑多過喊, 有點訝異, 不禁去看看何以有人「笑」, 原來笑中有淚, 幾乎個個都彈服務, 也算是中肯, 反映出如果你真係想透過openrice去搵食, 不能懶到只看笑喊的數字, 也應該略略睇下評語的內容。去御品軒是上星期日的事, 人不算多。坐下見餐牌上標榜崩砂坑腩,就即管試試坑腩河, 朋友則吃綠豆沙。五分鐘後, 綠豆沙來了; 十分鐘後, 隻牛大概仲未好, 正想向女侍應查問, 她已經走近, 冒失地爆出此話:「你係咪叫咖喱牛腩飯?」令到我嚇呆左, 三秒鐘都出唔到聲! 然後, 我告訴佢係崩砂坑腩河。三分鐘後, 終於送來。一看之下, 係喎, 係崩砂腩喎, 有層膠質, 冇花冇假。點知一咬之下, 冇味! 不但牛腩冇味, 煮得過淋的河粉亦冇味, 標榜用牛骨熬製的湯底, 唔知係咪用做火牛d骨呢? 一d味都冇。蠢, 加d蔥、冬菜或芫茜, 仲可以有d味, 但廚房大概認為自己的湯底天下無敵, 咩配料都唔加, 終於真係淡出個鳥來。過去, 去九記食名大於實的牛腩, 都奈著性子食晒至走, 算係畀面人地老字號, 但呢間有d似許留山的御品軒, sorry,