媽咪雞蛋仔 (Closed)

呢間有咁多分店嘅雞蛋仔鋪頭都唔使我多介紹啦！攞咗咁多年米芝蓮，當然有佢嘅吸引力今日同家姐，男朋友三個行過呢度，想食返兩底雞蛋仔，最後揀咗兩款人氣首選 - 雙重芝士雞蛋仔，黃金雞蛋仔，另外都叫咗兩款飲品芒果沙冰，寒冷嘅天氣飲番杯沙冰，感覺真係好透心涼，芒果嘅味道都幾甜，唔會好怪好假，沙冰嘅口感都幾細滑，整體唔錯宇治抹茶紅豆牛乳，用上小山園宇治抹茶，入口口感都幾滑，而且抹茶嘅濃度對我來講都算幾濃幾香，因為係熱飲關係，所以紅豆都要飲到差不多到底先至可以品嚐到，紅豆一粒粒，而且唔會好甜，食完一底雞蛋仔飲番杯抹茶中和油膩感都幾好㗎因為所有嘅雞蛋仔都係即叫即做，新鮮熱辣當然最好食啦！等咗大概10分鐘就已經攞到啦！ 芝士，黃金，你會揀邊個？如果呢兩款我會選擇雙重芝士，雙重芝士同雞蛋仔融合埋一齊，連邊邊位都充滿着芝士味，鍾意芝士嘅人一定唔可以錯過！如果唔怕肥，又想食重口味嘅你，就一定要試吓呢款黃金雞蛋仔啦！黃金雞蛋仔嘅鹹蛋黃味十分濃郁，每一粒雞蛋仔入面都充滿着鹹蛋黃香，不過食得多感覺都比較膩，反而男朋友幾鍾意食黃金雞蛋仔，而我自己同姐姐就偏愛芝士味。其實除咗呢兩款口味之外，佢哋都推出左好多不同口味，特