韓珍 (帝國中心) (Closed)

琴晚帶咗媽媽去帝國中心食韓燒，佢超級滿意，食到我地舔舔脷😋我哋嗌左醬油蟹、泡菜餅、一份豬肉同一份牛肉，原本仲諗住會唔夠食，點知嚟到超級豐富，有好多唔同類型嘅配菜，就連燒雞蛋都係配菜之一✨我非常推薦醬油蟹😍😍😍冇諗過醬油蟹原來係咁好味，啲醬油甜甜地再去買蟹嘅鮮味，起正！記得要用紫菜飯撈埋下啲蟹膏一齊食啊👍🏻👍🏻媽咪最鍾意食嘅就係五花肉，我係咁話會好肥🥺 不過配埋生菜加泡菜一齊食，就冇咁Guilty啦！呢度既店員全部都係韓國人，感覺好正宗，佢哋仲會間唔中走過來幫你燒下啲嘢食，服務態度抵讚😇😇