Video
Read full review
2018-03-09
9285 views
媽媽習慣食中菜，好少食日本野。上次講到放題好多野食好多野揀，媽媽就話想試下。今次臨時放假，就約咗媽媽嚟緣聚。夜晚9點前都做緊$228一位，正常放題價錢。入到去坐低，媽媽睇到加$98有生蠔加松葉蟹任食都心思思，一於加埋俾佢，滿足下佢。由於緣聚位於地庫，所以空間感好足，坐得都舒服。可能因為係地庫關係，燈光較暗，但同其工業風設計的裝修又幾配合。同樣好多唔同顏色紙，睇到媽媽眼都花埋。加得錢就當然進攻生蠔同蟹先啦，每人每次只可以order兩件，唔緊要，我地敞開肚皮慢慢嚟。生蠔雖然唔算好肥美，但勝在夠新鮮；而且味道唔腥，蠔肉濕潤光澤帶厚度。相較起生蠔，媽媽就更加喜歡松葉蟹腳，唔使擔心咬唔開，每張檯都有附設咗蟹剪俾食客剪殼。拆開舊殼，成條蟹柳咁粗既蟹肉出咗嚟，肉質爽口扎實飽滿，清甜鮮美。跟住落嚟進攻刺身，三文魚、油甘魚、甜蝦同帶子都係我最愛。雖然唔係厚切，但係食得出新鮮，而且肥美。我好記得有次去第二間放題既三文魚好似有肌肉咁，嚼都嚼唔斷，緣聚就完全唔使擔心呢樣嘢。有幾款熟食我覺得都值得Encore既，第一樣就係燒大蝦。有得揀要汁定走汁，但我tick錯咗要汁個格。其實食蝦呢種味道較輕既食材最好就唔好過
入到去坐低，媽媽睇到加$98有生蠔加松葉蟹任食都心思思，一於加埋俾佢，滿足下佢。
由於緣聚位於地庫，所以空間感好足，坐得都舒服。可能因為係地庫關係，燈光較暗，但同其工業風設計的裝修又幾配合。
同樣好多唔同顏色紙，睇到媽媽眼都花埋。
加得錢就當然進攻生蠔同蟹先啦，每人每次只可以order兩件，唔緊要，我地敞開肚皮慢慢嚟。
生蠔雖然唔算好肥美，但勝在夠新鮮；而且味道唔腥，蠔肉濕潤光澤帶厚度。
相較起生蠔，媽媽就更加喜歡松葉蟹腳，唔使擔心咬唔開，每張檯都有附設咗蟹剪俾食客剪殼。拆開舊殼，成條蟹柳咁粗既蟹肉出咗嚟，肉質爽口扎實飽滿，清甜鮮美。
跟住落嚟進攻刺身，三文魚、油甘魚、甜蝦同帶子都係我最愛。
雖然唔係厚切，但係食得出新鮮，而且肥美。我好記得有次去第二間放題既三文魚好似有肌肉咁，嚼都嚼唔斷，緣聚就完全唔使擔心呢樣嘢。
有幾款熟食我覺得都值得Encore既，第一樣就係燒大蝦。有得揀要汁定走汁，但我tick錯咗要汁個格。其實食蝦呢種味道較輕既食材最好就唔好過多調味。話雖如此，呢個大蝦蝦肉夠爽口，就算有汁都蓋唔住蝦肉既鮮甜。
燒羊架簡直係可以稱為卡路里惡魔，既「酥」，又不「騷」。表面烤到略帶焦脆，入口肉汁滿溢，肉質細緻軟嫩，咬住呢舊羊架就覺得自己係食肉獸。
另外串燒雞軟骨同燒日本番薯仔都好味——雞軟骨香脆有嚼勁，番薯仔軟糯香甜。
另外如果唔食生蠔，唔使加錢都有蠔嘅選擇，有蒜蓉烤蠔同芝士白汁烤蠔。熟蠔嘅個頭比生蠔既略細，味道上以芝士白汁口味為佳，畢竟芝士真係萬能Key嚟。
由於我同媽媽都有幾聲咳，所以都冇order過炸物。另外熟食仲想講埋個蟹粥，呢個真心超超超甜。 粥嘅口感我好鍾意，就係半軟半糊咁嘅狀態下仍然可以食一粒粒米。蟹件雖然唔係好大，但都多肉。而且粥面灑上一粒粒蟹子，視覺效果豐富咗之餘，其實多咗層次。
另外仲有清酒煮蜆，就係好簡單嘅味道，蜆肉鮮甜彈牙，仲有融入曬所有蜆肉精華嘅湯汁。
野飲上我就推薦呢個梅酒，唔係俾一杯仔你，而係一個玻璃樽，味道富含果香味，好開胃。
另外甜品上，除咗冰櫃入面嘅選擇，另外我推薦佢地嘅焦糖芝士雪糕同牛奶雪糕，味道好濃郁好香甜，夾帶著面頭個層脆脆嘅焦糖，不得了！
最後我地兩個人加埋一，用左大概700零蚊。同埋我係第一次發現我阿媽食量咁大，佢話佢好中意放題wor，睇嚟呢個初體驗經歷，佢都非常滿意！
Post
