大吉居酒屋 (Closed)

8月24日同媽媽預早慶祝生日，爸爸話未試過日本式放題，就同佢地出去食下。見到大吉喺雜誌既廣告，星期六都係$178一位，就去試下。食物既味道好一般，而座位係迫左少少，而佢地安排我地坐窗邊位，環境都okay。食物種類好多，值得一贊係佢地唔會漏單，樣樣都黎齊，而且汽水任飲，又幫我地添茶，都算幾好。但order紙呢，就應該改善一下。我地見佢全部remark 「一客一人份量」，咁就以為唔會多啦，先前order左個牛肉烏冬，原來只得一碗仔，咪order蟹粥試下，爸爸就係數量一欄填左3，點知係3煱囉... 食到我地死死下。