Video
Read full review
2019-07-26
470 views
終於有機會嚟大樹先生之家 ,係媽媽界裏面好出名嘅親子餐廳。🤩 因為要地方大,其他親子餐廳個位會可能有機會遠啲,但係呢間呢喺正荔枝角地鐵站D2出口嘅D2 place實在太方便 !!! 一上到去半邊都差唔多係佢㗎喇,仲要同一層 , 店舖轉彎就會有育嬰室, 換片架。 一行埋去就見到成日畀人打卡嘅全部綠色波波池 。 佢有早午下午茶同晚餐時段 ,每節都有2小時30分鐘,中間其他時間就係做清潔嘅 。🔸七歲或以上每人最低消費$120🔸小朋友就有清潔費 $59-$79入到去已經set好場一張大嘅四方枱 加埋bb櫈 。呢個開揚既格局方便啲父母 同小朋友去兒童區玩嘅時候都可以見到食物上咗菜未或者睇住啲私人物品。餐牌有pasta/飯 ,都有扒類。可以單點或者+ 錢轉套餐 (湯/沙律/飲品)。落咗訂單之後就可以帶小朋友去遊戲區玩架喇。佢有分0至24個月 ,分開就唔怕bb畀啲小朋友撞到。 波波池 既波波全部都印有自己logo ,另外有好多煮飯仔道具,戲服,車車,總之全部都係贏在起跑線嘅玩具 即係幼稚園入學要識玩嘅玩具🤣🤣家長可以帶佢嚟呢邊試下。餐廳氣氛好輕鬆,自由。大家都係咁玩到咁上下等有野食既時候就返嚟食嘢~
一行埋去就見到成日畀人打卡嘅全部綠色波波池 。
佢有早午下午茶同晚餐時段 ,每節都有2小時30分鐘,中間其他時間就係做清潔嘅 。
🔸七歲或以上每人最低消費$120
🔸小朋友就有清潔費 $59-$79
入到去已經set好場一張大嘅四方枱 加埋bb櫈 。呢個開揚既格局方便啲父母 同小朋友去兒童區玩嘅時候都可以見到食物上咗菜未或者睇住啲私人物品。
餐牌有pasta/飯 ,都有扒類。可以單點或者+ 錢轉套餐 (湯/沙律/飲品)。
落咗訂單之後就可以帶小朋友去遊戲區玩架喇。佢有分0至24個月 ,分開就唔怕bb畀啲小朋友撞到。 波波池 既波波全部都印有自己logo ,另外有好多煮飯仔道具,戲服,車車,總之全部都係贏在起跑線嘅玩具 即係幼稚園入學要識玩嘅玩具🤣🤣家長可以帶佢嚟呢邊試下。餐廳氣氛好輕鬆,自由。大家都係咁玩到咁上下等有野食既時候就返嚟食嘢~~
蟹餅真係好食好厚身,入面好creamy,出面勞炸得好脆,熱辣辣,唔似係交貨,似係自家製。推薦
我地轉左套餐 有是日餐湯 雜菜湯 + 一盆唔少既沙律 (黑醋汁)。 沙律爽脆新鮮 👌
雞扒南瓜意粉
雞扒煎得夠香脆夠入味,另外南瓜意粉除咗汁之外真係有南瓜粒, 覺得好健康,唔會話太重調味料,可能始終都係親自餐廳 ☺️
蔬菜意粉
可能因為係素食 ,醬汁都會比較清淡啲 但係都好有誠意又唔同嘅蔬菜同埋菌類 同埋食物都偏大碟,一個人都覺得多😅
另外見到有水果茶實在太想飲,所以都加咗錢叫水果茶。水果茶一壺其實可以斟到好多細杯,好飲🙆♀️ 茶底同出面專做台式飲品嘅冇分別 , 不過係生果少左d。
先頭以為呢啲親子餐廳食物應該好求其,竟然有啲水準, 好似出面西餐廳咁! 佢另外都有兒童餐,不過我個bb太細所以未食到,所以無叫到。兒童餐好可愛,有動物造型㗎,另外其實都仲有bb餐會提供蔬菜糊 ,米餅等。
雖然淨睇餐牌有點小貴, 但人地其實係包埋入場費架 。平時去 playroom 淨玩都要俾咁上下, 呢度可以兌折餐餐點, 我覺得真係👌。起碼唔會一個同小朋友玩, 另外個個可能好無聊。值得推薦!!
Post
