莆田 (Closed)

媽子指定話要食莆田，佢生日大曬了，咁咪同佢走去食翻餐囉！兩個人又唔食得好多，貴極有限吧先黎有湄州島紫菜燜飯，D米係用珍珠米，口感比較好，D飯嗦咗D湯汁好香，而且好鮮味，好多紫菜撈一起，感覺唔錯。同埋坐低後仲見到好多人都點咗個頭水紫菜牡蠣湯，我當然唔執輸叫左！真係爆多紫菜，而且好鮮甜，分量好多，兩個人就食唔曬，牡蠣多沉底，鮮甜味十足，紫菜爽口~ 正~~仲有亦點左個冷盤--蝦苗拌頭水紫菜，呢個都算系推介菜式，作為紅尾蝦苗涼拌菜式，加咗醋同麻油，食落爽口，加埋兩片青瓜更加清得來爽口。而且又有紫菜鮮味，感覺都好特別下~~再來個冰浸苦瓜，口感爽，食落苦中帶甘，總是惗起陳奕迅《苦瓜》，雖然苦，但係有益身心。真想不到當初我們也討厭吃苦瓜，今天竟吃得出那睿智愈來愈記掛。加咗冰，貌似更加爽喔。最緊要都系食得開心，食得開心因為有家人一起分享。