Video
Read full review
2016-12-14
185 views
今日喺老蘭 happy hour 完鬼死咁肚餓，行到落嚟經過間串燒舖傳來陣陣嘅肉香，胃酸即刻湧現，心裏曾經有盤算過當時運高聞唔到嘅，不過都係算吧啦，六師弟。原來呢間串燒舖同隔離新開嗰間 Thainan chicken 係有關連嘅，唔想企喺度食嘅朋友，你大可以喺隔離餐廳，舒舒服服咁坐喺度，等侍應幫你將啲串燒拎過嚟。入到去見到個餐牌，其他食物都相當吸引，於是把心一橫打電話返去俾老媽子話唔返去食。泰式酸辣鳳爪沙律，一心諗住食飽梗係嗌返個沙律嚟再開一開個胃先啦，起哂骨嘅鳳爪啖啖肉，個醬汁夠哂酸辣，配埋新鮮嘅芫茜，蔥，芹菜，蘿蔔絲同埋生菜絲食，集清新同酸辣於一身。大花蝦，隻蝦有成隻手板咁長，蝦身中間被湯開，釀入咗綠色嘅醬料，醬料有少少似酸菜，酸酸甜甜咁好醒胃，隻蝦用咗上等嘅貨色，一食就知道佢新鮮，蝦肉彈牙得黎唔鞋唔在講，蝦頭仲有大量嘅蝦膏，嗰隻蝦膏嘅香味絕對係要隻蝦夠新鮮先至會有。去骨泰南雞四分一隻，個胃口俾人開哂，又想食海南雞又想食炒飯咁點算呢？就係嗌四分一隻海南雞再加個炒飯喇，泰南雞啲雞肉充滿雞味，嫩滑無比，再點小小甜豉油將個雞味吊出嚟，四分一隻雞話咁快清哂。泰式串燒配炒飯及雜菜，呢個組合正
今日喺老蘭 happy hour 完鬼死咁肚餓，行到落嚟經過間串燒舖傳來陣陣嘅肉香，胃酸即刻湧現，心裏曾經有盤算過當時運高聞唔到嘅，不過都係算吧啦，六師弟。
原來呢間串燒舖同隔離新開嗰間 Thainan chicken 係有關連嘅，唔想企喺度食嘅朋友，你大可以喺隔離餐廳，舒舒服服咁坐喺度，等侍應幫你將啲串燒拎過嚟。
入到去見到個餐牌，其他食物都相當吸引，於是把心一橫打電話返去俾老媽子話唔返去食。
泰式酸辣鳳爪沙律，一心諗住食飽梗係嗌返個沙律嚟再開一開個胃先啦，起哂骨嘅鳳爪啖啖肉，個醬汁夠哂酸辣，配埋新鮮嘅芫茜，蔥，芹菜，蘿蔔絲同埋生菜絲食，集清新同酸辣於一身。
大花蝦，隻蝦有成隻手板咁長，蝦身中間被湯開，釀入咗綠色嘅醬料，醬料有少少似酸菜，酸酸甜甜咁好醒胃，隻蝦用咗上等嘅貨色，一食就知道佢新鮮，蝦肉彈牙得黎唔鞋唔在講，蝦頭仲有大量嘅蝦膏，嗰隻蝦膏嘅香味絕對係要隻蝦夠新鮮先至會有。
去骨泰南雞四分一隻，個胃口俾人開哂，又想食海南雞又想食炒飯咁點算呢？就係嗌四分一隻海南雞再加個炒飯喇，泰南雞啲雞肉充滿雞味，嫩滑無比，再點小小甜豉油將個雞味吊出嚟，四分一隻雞話咁快清哂。
泰式串燒配炒飯及雜菜，呢個組合正啊，又可以食串燒又可以食炒飯，一次過滿足哂兩個願望，串燒有豬牛雞各一串，串雞嘅嫩滑程度真係可以媲美個泰南雞架，做串燒可以燒得咁滑，認真抵讚，而串牛肉亦都完全冇筋，仲充滿牛味添，勁鍾意佢串燒底下嗰啲椰菜，可以有啲菜食下，無咁覺得油膩，而個炒飯入面混和咗好多我至愛嘅蔥粒，令到成個飯都夠哂香口。睇黎下次再去老蘭 happy hour 之前都可以叫定媽子留飯聽日帶 lu 。
Post
