Video
Read full review
2021-04-15
1367 views
朋友轉職加人工，決定請佢食番餐賀賀佢。呢間西餐廳開o係網紅勝地南山邨，外面設有露天茶座，纏o左d 燈都幾有格調，裡面則係簡樸田園風。朋友見到鹽燒厚切牛舌($58 無加一) 就兩眼發光，話一定要叫！佢其實係寫o係小食menu 上面，但係實物一d 都唔輸蝕，無諗過咁大份，唔講我仲以為係主菜o黎……聞起o黎好香牛酥味，大條肉地，無多餘o既調味，原汁原味，而且仲包一份細沙律，真係好抵，呢個必點！香煎慢煮美國豬扒配時令薯菜．配焦糖蘋果蓉($80) 聽落好elegant，而實物都present 到好fine dining o既feel，砌得有層次感。一樣都係咁厚切，而肉質卻因為慢煮保持到鮮嫩juicy。不得不提個醬汁，焦糖o既濃甜之中滲出淡淡o既果香，同個豬扒非常之夾，朋友讚不絕口呀！諗過叫多個意粉飯定pizza，最後決定後者。巴馬火腿火箭菜pizza ($80) 有10 寸，share 食剛好。餅底薄脆，鋪上parma ham 帶出一點鹹味，加埋火箭菜再淋上黑醋汁，簡單o既意式風情。完美o既一餐又點可以唔以甜品作結﹖入口o個度有個雪櫃display 住多款cheesecake 同果tart 不停
朋友見到鹽燒厚切牛舌($58 無加一) 就兩眼發光，話一定要叫！佢其實係寫o係小食menu 上面，但係實物一d 都唔輸蝕，無諗過咁大份，唔講我仲以為係主菜o黎……聞起o黎好香牛酥味，大條肉地，無多餘o既調味，原汁原味，而且仲包一份細沙律，真係好抵，呢個必點！
鹽燒厚切牛舌 ($58)
50 views
0 likes
0 comments
香煎慢煮美國豬扒配時令薯菜．配焦糖蘋果蓉($80) 聽落好elegant，而實物都present 到好fine dining o既feel，砌得有層次感。一樣都係咁厚切，而肉質卻因為慢煮保持到鮮嫩juicy。不得不提個醬汁，焦糖o既濃甜之中滲出淡淡o既果香，同個豬扒非常之夾，朋友讚不絕口呀！
香煎慢煮美國豬扒配時令薯菜．配焦糖蘋果蓉
19 views
0 likes
0 comments
諗過叫多個意粉飯定pizza，最後決定後者。巴馬火腿火箭菜pizza ($80) 有10 寸，share 食剛好。餅底薄脆，鋪上parma ham 帶出一點鹹味，加埋火箭菜再淋上黑醋汁，簡單o既意式風情。
巴馬火腿火箭菜pizza ($80)
35 views
0 likes
0 comments
巴馬火腿火箭菜pizza
27 views
0 likes
0 comments
完美o既一餐又點可以唔以甜品作結﹖入口o個度有個雪櫃display 住多款cheesecake 同果tart 不停向我地招手，店主見我莊下莊下仲主動介紹呢d cakes 係法國直送添。wu~ 靈舍高級，臨尾當然要試番兩件。
熱情果芒果撻($38) 滿口百香果o既濃香氣息，檸檬蛋白撻($38) 下層係打成蓉o既檸檬層，上面係creamy 蛋白再火炙一下。兩件tart 都附似蜜糖伴碟，賣相又靚又可平衡酸味。
熱情果芒果撻 ($38)
16 views
0 likes
0 comments
檸檬蛋白撻 ($38)
9 views
0 likes
0 comments
Post
