少爺18 (Closed)

星期六同老公行街街，新城市咁多餐廳，難得假日午餐唔駛等位，就食你啦～當日餐廳滿坐，略嫌有啲迫，可以清楚聽到隔離枱嘅傾計內容。餐前送上小食-花生同炸魚皮($12)。我地叫咗3樣嘢食。香芒白飯魚沙律($78)。雖然話係沙律，但得一塊生菜墊底，應該叫炸白飯魚。上面有辣粉，點附上嘅芒果醬會減低熱氣及油膩感。炸九肚魚就食得多，炸白飯魚原來都幾好味~招牌海南雞飯($98)。一上枱就知夠傳統，因為有齊薑蓉辣醬黑醬油。雞肉嫩滑無骨，油飯香口綿軟。黑蘿蔔糕($62)。其實預咗會濃味，但真係太咸，咸到要食海南雞飯附上嘅酸瓜中和。好掛住新加坡嘅粿條呀～總結係，海南雞飯下次要再食，下次會試下其他食物。