Häagen-Dazs (Closed)

嫲嫲壽辰，大肥爸爸率領一眾弟妹設宴慶祝，小肥同哥哥則送上雪糕蛋糕以示小小心意 。嫲嫲一生嘗盡酸甜苦辣，晚年覺得最幸福o既就係每天可以打麻雀，週末能夠一家人齊齊整整咁食餐飯。盡管自己吞嚥食物已不再靈巧，見到子女兒孫享受食物，老人家心情總會覺得安慰及喜悅。深知嫲嫲已不能進食普通蛋糕，XO仔兩兄弟特意揀選咗只溶喺口o既雪糕蛋糕為嫲嫲賀壽 。當嫲嫲見到鮮紅色o既蛋糕時，臉上o既笑容可真猶如蛋糕名般「心花怒放」 ！「心花怒放」（Flower Blossoms）分三個碼：Mini單售$349，Regular單售$459，Large單售$569。迷你及普通碼蛋糕只可以揀一款雪糕口味，而訂購大碼蛋糕則可選擇兩款，味道可分左右兩邊，又或者係上下兩層。肥肥家族食雪糕蛋糕當然係要揀大碼啦 ，雪糕味道首選為嫲嫲最愛的雲尼拿，設於蛋糕o既右心房，次選則為堂弟妹最喜愛o既Cookies & Cream，設於蛋糕o既左心房。「心花怒放」心形o既外表美艷動人，內裡o既雪糕香滑軟熟，配上面層o既士多啤梨醬更覺清新香甜 。$569可以逗得壽星女笑得如此甜蜜，當真物超所值！