Video
Read full review
2016-03-08
292 views
大帝喜歡打邊爐、食雞煲，所以成日有新嘢，都拉咗我去試。今次話去間可以「包房」的，就帶咗我去一哥私房菜打邊爐。係佐敦，地鐵附近。呢度無論係一人定係一班人黎，都係一間房咁俾你，私隱度高，點嘈都唔怕啦！每間房有獨立廁房同埋電視，想睇乜台都可以。怕閂埋門叫唔到人？可以按「叫人鐘」！呢度食0既嘢，好簡單。二百幾蚊一位，一定有四川麻辣雞煲俾你食。仲係無限任食雞煲，雞是可以添加。辣度可以跟店員講。食完個雞，就跟手換個鮮茄花甲野菌蟹鍋過你！然後，肥手、野菌拼盤、餃類都有得俾你。大多數都係任食的。仲有海鮮都係大半數都係任食。至於乜嘢要收費？橙色紙個啲就係再叫先收費，第一轉係免費的。就算收費，都係三四十蚊一碟，又幾抵喎。乜都未開始，先黎食個生蝦刺身。大約每人兩隻咁啦。見到有調味料，就知就黎有得打邊爐。未食其煲先聞其味，好鬼香！仲有個計時器，話你知三分鐘有得食！！因為同行人，有人唔食得辣，所以這是小辣。但個香味真係好勁！呢個雞煲相對幾惹話，不是麻得很勁的辣味感。但佢個醬汁，真係好食！個雞都幾嫩，而且醬汁好入味。小辣來說，覺得不夠喉，下次要試一試中辣了。如果雞煲食夠，唔再添加，就可以叫人換煲了！用黎打邊爐的，
大帝喜歡打邊爐、食雞煲，所以成日有新嘢，都拉咗我去試。今次話去間可以「包房」的，就帶咗我去一哥私房菜打邊爐。係佐敦，地鐵附近。呢度無論係一人定係一班人黎，都係一間房咁俾你，私隱度高，點嘈都唔怕啦！
每間房有獨立廁房同埋電視，想睇乜台都可以。
怕閂埋門叫唔到人？可以按「叫人鐘」！
呢度食0既嘢，好簡單。二百幾蚊一位，一定有四川麻辣雞煲俾你食。仲係無限任食雞煲，雞是可以添加。辣度可以跟店員講。食完個雞，就跟手換個鮮茄花甲野菌蟹鍋過你！然後，肥手、野菌拼盤、餃類都有得俾你。大多數都係任食的。仲有海鮮都係大半數都係任食。
至於乜嘢要收費？橙色紙個啲就係再叫先收費，第一轉係免費的。就算收費，都係三四十蚊一碟，又幾抵喎。
乜都未開始，先黎食個生蝦刺身。大約每人兩隻咁啦。
見到有調味料，就知就黎有得打邊爐。
未食其煲先聞其味，好鬼香！仲有個計時器，話你知三分鐘有得食！！
因為同行人，有人唔食得辣，所以這是小辣。但個香味真係好勁！呢個雞煲相對幾惹話，不是麻得很勁的辣味感。但佢個醬汁，真係好食！
個雞都幾嫩，而且醬汁好入味。小辣來說，覺得不夠喉，下次要試一試中辣了。
如果雞煲食夠，唔再添加，就可以叫人換煲了！用黎打邊爐的，是這個「鮮茄花甲野菌蟹鍋」。無花無假，成隻蟹放落去。仲有花甲等足料湯底，個湯夠晒鮮了吧？！
牛頸脊，第一碟是免費，都好鬼大碟下。以呢個份數以及質素，出面賣緊近二百一碟吧？用上本地牛切出黎的牛頸脊，脂肪分佈均勻，而且牛味濃郁。
極豪海鮮拼盤！每一日，店都會去街巿買最新鮮的食材返黎做呢個海鮮拼盤，第一盤都係免費。而每日食乜，都會有少少唔同。因為要睇當日食材而定。就呢碟而黎，我盡可能數數有乜嘢。桶蠔、脆骨腩、海蝦、龍龔片、鮮鮑魚、花甲、馬刀貝、帶子、蟶子等等。款式好多，近半都係免費再添。就算少數要加錢，都係三四十蚊，平過出面好多。
多角度睇，海鮮都真係幾誇張。由於食材是即日選購，所以新鮮程度都不會有所質疑。一般黎說，會是一人一件的份量，食齊咁多款都幾滿足！
而蟶子更是超特大號的，鮮甜肥美。
一堆的丸類、餃類，以為是平平無奇，點知有驚喜。特別是餃類，個皮不會易爛，內裡一個餃子都有兩粒蝦，很誇張！
雜菇雜菜籃都有好幾款蔬菜，滿足晒大家。同樣是任食的啦~~~
最後少不了山根、炸魚片等等。個炸魚片好得！勁脆！除了以上，都有烏冬、面食。個烏冬我無試，但朋友說有點像是山崎烏冬的質感。
最後還有生果或是甜品。
二百多元任食邊爐，有著如此質素，認真係誇！雖然啤酒唔係任飲，但都只不過係HK$15三罐，抵到爆！菊花茶之類的，是任飲的哦！
一哥私房菜
佐敦佐敦道28-28A號佐敦廣場2樓
Post
