Video
Read full review
2024-01-07
104 views
為咗寫依篇劣評，先特登開個openrice ac留下第一篇食評！星期四喺天水圍站pie & tart買咗2個雞批，一個短髮瘦削無帶眼鏡店員，要求doo咗八達通32蚊先，八達通機喺另一邊，不防有詐行咗埋另一邊doo，doo完另一店員已經夾咗2件雞批並已入紙袋，即係doo完32蚊就比個紙袋我，由於比店員洗開咗拍八達通，完全睇唔到佢夾雞批。我打開個紙袋，見到1件雞批係甩咗皮，而且甩咗半個皮咁多！要求店員更換，但店員表示佢地賣嘅雞批係咁，唔會換！但玻璃櫃入面嘅雞批係無一個甩皮，明顯係兩個店員一早已設下騙局，存心欺騙，呃我行埋一邊拍八達通機，先收我錢，同時趁行開拍八達通機時，夾件唔會有人買嘅甩咗半個皮嘅雞批落袋，博我睇唔到／比咗錢唔換比我吹佢唔脹。雖然雞批只係16蚊一個，店員存心欺騙我嘅態度，愈諗愈把火，由於紙袋側邊有電話，我打咗去投訴，電話嘅店員好有禮貌，並叫我明天返去補返一個雞批比我。星期五我再返去天水圍站間pie & tart取雞批，當時個玻璃櫃有幾個雞批，但店員（都係賣甩皮雞批又話係咁嗰位）行咗入去入面，打開銀色暖櫃拎咗一個本身入咗紙袋嘅雞批出黎比我，我食咗個雞批之後，由半夜開始昨天（星
星期四喺天水圍站pie & tart買咗2個雞批，一個短髮瘦削無帶眼鏡店員，要求doo咗八達通32蚊先，八達通機喺另一邊，不防有詐行咗埋另一邊doo，doo完另一店員已經夾咗2件雞批並已入紙袋，即係doo完32蚊就比個紙袋我，由於比店員洗開咗拍八達通，完全睇唔到佢夾雞批。
我打開個紙袋，見到1件雞批係甩咗皮，而且甩咗半個皮咁多！要求店員更換，但店員表示佢地賣嘅雞批係咁，唔會換！但玻璃櫃入面嘅雞批係無一個甩皮，
明顯係兩個店員一早已設下騙局，存心欺騙，呃我行埋一邊拍八達通機，先收我錢，同時趁行開拍八達通機時，夾件唔會有人買嘅甩咗半個皮嘅雞批落袋，博我睇唔到／比咗錢唔換比我吹佢唔脹。
雖然雞批只係16蚊一個，店員存心欺騙我嘅態度，愈諗愈把火，由於紙袋側邊有電話，我打咗去投訴，電話嘅店員好有禮貌，並叫我明天返去補返一個雞批比我。
星期五我再返去天水圍站間pie & tart取雞批，當時個玻璃櫃有幾個雞批，但店員（都係賣甩皮雞批又話係咁嗰位）行咗入去入面，打開銀色暖櫃拎咗一個本身入咗紙袋嘅雞批出黎比我，
我食咗個雞批之後，由半夜開始昨天（星期六）個胃好脹，好唔舒服，，明顯係唔忿氣補雞批，但扮晒有誠意，個雞批加咗我料，但有技巧咁加到食唔屙你等你唔會入醫院報食環！
昨天我漲住個胃時，諗起個雞批係入面特登夾開放咗落紙袋，而唔係出面賣緊嗰堆雞批夾比我，即係一早將加咗料嘅雞批分開擺，等我黎攞！
pie & tart嘅營商手法另人髮指兼且小家！竟然為咗16蚊，連續兩日設計欺騙客人！
而且由我星期五下午拎咗個補返嘅雞批之後，我星期五及星期六就不停收到來歷不明嘅電話騷擾（因為打去投訴時留咗電話號碼），有一次電話“喂”，我已經認得埋係嗰位短髮無眼鏡阿嬸店員（即係欺騙咗我兩日）把聲！
唔該做生意唔好做到爛仔咁，比咗16蚊你，換黎係一連串激氣：欺騙我靜雞雞夾甩皮雞批 + 換一個加料食壞人嘅雞批 + 兩日嘅電話騷擾！
Post