Video
Read full review
2023-04-24
151 views
食嘅呢間串燒係銅鑼灣嘅炊燒冇得book枱 不過我哋去到7:15 walk-in 有最後一張空枱 lucky~🤩一入去個地板有啲油淋淋 木枱木凳同埋空氣中充斥着濃烈嘅孜然粉香味令我諗返起以前好興北上一日遊必食嘅木屋燒烤-叫得太多 有啲似係走馬看花咁食Overall 係幾好食😋但可能半年食一次就夠皮 因為都幾重口味-直接講咗評價先其實啲味道都差唔多因為全部都用咗孜然粉去醃 食唔出食材本身嘅味道不過我覺得內臟串嘅質感會比較好 肉串就麻麻哋冇乜特別嘅就唔講 直接 highlight特別好味/難食嘅串串-1️⃣直男肥腸：好食 外脆內軟 啖啖肥膏2️⃣滋味雞軟骨：好味 好脆 不過都係有啲肥膩3️⃣薄切燒牛舌：我覺得幾出色 燒得啱啱好 唔會太靭👍🏻4️⃣土豆片🥔：一上菜嗰陣似長洲串串薯片 但食落係軟嘅 同期望唔一樣 有啲奇怪5️⃣粒粒粟米串🌽：唔係爽口嘅粟米 反而係糯米 好奇怪6️⃣鴛鴦糍粑：一舊糍粑一半係黑芝麻一半係原味 唔expect有黑芝麻味 同埋會希望有紅糖淋喺面7️⃣燒菠蘿🍍：好好食 好多汁 不過容易癡牙 一餐撩咗好多次牙8️⃣盲盒冰粉：本身食完之後覺得點解可以咁硬 但係知道咗係一蚊之後就覺得幾好食🤣不過喺面嘅嗰啲糖都真
冇得book枱 不過我哋去到7:15 walk-in 有最後一張空枱 lucky~🤩
一入去個地板有啲油淋淋 木枱木凳
同埋空氣中充斥着濃烈嘅孜然粉香味
令我諗返起以前好興北上一日遊必食嘅木屋燒烤
-
叫得太多 有啲似係走馬看花咁食
Overall 係幾好食😋
但可能半年食一次就夠皮 因為都幾重口味
-
直接講咗評價先
其實啲味道都差唔多
因為全部都用咗孜然粉去醃 食唔出食材本身嘅味道
不過我覺得內臟串嘅質感會比較好 肉串就麻麻哋
冇乜特別嘅就唔講 直接 highlight特別好味/難食嘅串串
-
1️⃣直男肥腸：好食 外脆內軟 啖啖肥膏
2️⃣滋味雞軟骨：好味 好脆 不過都係有啲肥膩
3️⃣薄切燒牛舌：我覺得幾出色 燒得啱啱好 唔會太靭👍🏻
4️⃣土豆片🥔：一上菜嗰陣似長洲串串薯片 但食落係軟嘅 同期望唔一樣 有啲奇怪
5️⃣粒粒粟米串🌽：唔係爽口嘅粟米 反而係糯米 好奇怪
6️⃣鴛鴦糍粑：一舊糍粑一半係黑芝麻一半係原味 唔expect有黑芝麻味 同埋會希望有紅糖淋喺面
7️⃣燒菠蘿🍍：好好食 好多汁 不過容易癡牙 一餐撩咗好多次牙
8️⃣盲盒冰粉：本身食完之後覺得點解可以咁硬 但係知道咗係一蚊之後就覺得幾好食🤣不過喺面嘅嗰啲糖都真係幾難食
人均$224食到十成飽
🚩炊燒
銅鑼灣渣甸街47號采怡閣地下1號舖
Post
