鼎·會館 (Closed)

媽咪生日，屋企成員當然要請媽咪食餐好既，見媽之前經常睇阿爺廚房就帶佢去食下先，揀左行政午市套餐($498/位)。蟹肉金湯煲仔翅，翅同蟹肉一齊食口感好正，湯都好濃味，好好飲。燒味雙併，燒肉皮超脆口，點介辣永遠都係絕配。蝦籽婆參扣柚皮，柚皮煲得好腍，口入即溶，海參口感彈彈下好骨膠原。上湯瑤柱浸時蔬，瑤柱共有8粒，粒粒都好大粒好厚肉。上湯芙蓉遼參白玉，每位加$180，比海參更矜貴，可能有軟刺既關係，食落口感更豐富。紫晶千島汁脆蝦球，好香脆，包括伴碟既葉食落都有d似紫菜口感，千島汁味道調較好惹味。腐竹用上上等材料，食落好滑，湯底帶清淡，可中和返味蕾，作為整餐飯既結尾就最好不過。